CVTL hala’o atividade akampamentu juventude iha Aileu

Aileu 12 agostu 2025: foin lalais ne’e koordenadór gabinete apoiu sosiedade sivíl (GASC sigla portugés) Eng. Joaquim da Costa abertura atividade akampamentu juventude nasionál CVTL iha munisípiu Aileu.
Enkuantu objetivu prinsipál husi Akampanamentu Joventude Nasional CVTL ne’e mak hasa’e papél ativu foin-sa’e hodi harii, solidariedade, dame no envolvimentu sosiál iha Timor-Leste tomak liu husi partisipasaun iha atividades umanitária ida ne’ebé sustentavel.
Liu husi intervensaun prezidente autoridade munisípiu Aileu João Bosco dos Santos hateten, eventu sira hanesan ne’e importante tebes ba alin juventude sira, ohin mai konsentra iha ne’e juventude voluntária Cruz Vermelha maske loron ida ou rua de’it espera katak ita boot sira halo buat ruma.
“la boot maibé nia benefísiu ba komunidade Aileu bele sente, katak ida rezultadu husi juventude munisípiu sanulu resin tolu, ohin juventude sira mai hamutuk iha ne’e tau ideias sira hotu liu husi formasaun sira hodi halo buat di’ak ba komunidade parte seluk mós hanesan kontribui ona ba governu.” Dehan PAM Aileu
Iha fatin hanesan Prezidente Juventude Cruz Vermelha Timor-Leste afirma nu’udar Presidente Juventude Cruz Vermelha de Timor-Leste hato’o agradese ba ita boot sira hotu ne’ebé mai konsentra iha ne’e hodi selebra akampamentu iha tinan 2025.
“tema mak Empoderamentu no Lideransa Juventude CVTL nian relasiona ho tema ne’ebé iha atividade nasionál no internasionál sira ne’ebé maka realiza husi CVTL ba Voluntari no Juventude sira sai hanesan meius ida atu hametin solidariedade habelar koñesimentu kulturál sira no haburas esperitu umanitária”.dehan nia
Maske nune’e Prezidente CVTL aumenta kada tinan rua-rua sei realiza atividade husi munisípiu ba munisípiu, maibé fora husi ne’e kualkér atividade Extraordinario joven sira sempre halo tuir planu sira ne’ebé iha.
“tuir inan aman sira dehan katak ita-nia oan sira kuandu ain aas liu ona ita tenke rona mós sira, tanba ne’e mak tema ida ne’e Empoderamentu no Lideransa Juventude nian.’ita nia nasaun ne’e ho idade tinan 22, signifika idade mós joven hela. idade joven ne’e katak idade ne’ebé matenek” dehan prezidente CVTL.
Iha fatin hanesan koordenadór gabinete apoiu sosiedade sivíl (GASC sigla portugés ) Eng. Joaquim da Costa Freitas hateten katak, responsabiliza dezenvolve parseria ho CVTL la’ós foin dala ida, maibé repete tin-tinan tu-tuir malu no tinan ida ne’e mak CVTL iha alokasaun orsamentu espesífiku hodi bele finansia soru mutuk ida ne’e, mais laos iha ne’e de’it maibé iha mós programa lubuk ida ne’ebé mak finansia ho orsamentu subvensaun publika ne’e.
“GASC servisu hanesan ekipa ida para atu responsabiliza ba programa sira no alokasaun orsamentu sira iha sosiedade sivíl tenke gasta ho didi’ak no responsabilidade, gabinete la’ós tau matan de’it ba CVTL maibé gabinete ida ne’e responsabiliza ba atribui fó apoiu mós orsamentu ba konfisoes relisiosos no não relisiosos, ohin sente priviléjiu tanba bele mai fali iha fatin ida ne’e hodi hasoru juventude sira husi munisípiu 13, ne’ebé mak la’o hela ho esperitu ida voluntária nian, ohin loron ita ko’alia voluntária ne’e la fasil”.tenik koordenadór GASC.
Hafoin abertura akampamentu Nasionál Juventude CVTL 2025, CVTL Distribui mós fatin lixu rua iha Aldeia Kabas-Fatin no sentina ida família kbiit -laek iha Aldeia Cotbouru, Suku Seloi-Malere, Postu Administrativu Aileu Vila, Munisípiu Aileu.
Atividade Akampamentu Nasional Juventude CVTL 2025 ne’e ho Apoio husi Gabinete Apoio Sosiedade Civil (GASC), IX Governu Konstitusional. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂