Bispu Dioseze Baucau fó Bénsaun ba Edifísiu Semináriu Propedeutico Maloa.

Dili 5 agostu 2025: Segunda feira semana ne’e 04/08/2025 Bispu Dioseze Baucau Dom. Leandro Maria Alves fó bénsaun ona ba edifísiu semináriu Propeduetico Maloa ne’ebé maka reabilita husi IX Governu Konstitusionál liu husi fundus ne’ebé maka aloka ba iha Conferencia Episcopal Timorense (sigla CET).
Enkuantu antes atu fó bénsaun ba semináriu ne’e Bispu Dioseze Baucau Dom Leando Maria Alves hamutuk ho Koordenadór Gabinete Apoiu Sosiedade Sivíl lansa uluk plaka ne’ebé maka prepara ona husi semináriu Maloa.
Liu husi misa agradesimentu ba inaugurasaun edifísiu semináriu propeduetico Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten katak, prezensa governu nia iha serimónia ne’e hakarak apresia esforsu tomak ne’ebé maka ita halo hamutuk atu lori rai ida ne’e no povu ida ne’e ba oin ne’ebé maka di’ak liu iha pasadu sira.
“fatin ida ne’e ita la tau kestaun iha imi-nia kualidade tanba semana tolu liu ba ha’u hasoru joven ida iha Hera eis seminarista, ko’alia portugés la sidi, tanba ne’e aproveita didi’ak semináriu ida ne’e tanba laiha ema ida permanente iha mundu no laiha ema ida mós permanente iha ano Propeduetico”. Tenik koordenadór GASC.
Iha fatin hanesan Bispu Dioseze Baucau Dom Leandro Maria alves aumenta katak, nia parte sente kontente prezensa governu iha inaugurasaun, ne’ebé reprezenta husi Koordenadór GASC tanba nafatin apoiu fundus ba igreja iha Timor-Leste liu husi CET, husi rezolusaun konkordata entre Vatikanu ho estadu Timor-Leste.
“ne’e duni igreja nafatin agradese apoiu husi governu tanba ne’e hato’o ba seminarista sira imi tenke aproveita esforsu sira hotu ne’ebé igreja iha, no servisu sira hotu ne’ebé igreja iha prepara kondisaun sira hotu atu ita boot sira halo ensernamentu ne’ebé loos hodi foti desizaun tuir ita-nia na’in Jesus Kristu”.tenik bispu dioseze Baucau. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂