Dom. Leandro Maria Alves fó Bénsaun ba Kapela São Paulo Ossoula.

OSSOULA 26 Agostu 2025: sábadu semana kotuk liu ba Koordenadór Gabinete Apoiu Sosiedade Sivíl (GASC sigla portugés), partisipa serimónia misa, bénsaun no inaugura kapela São Paulo Ossoula.
Iha serimónia ne’e hahú husi, Asina plaka husi Bispo Diocese Baucau no Koordenadór GASC, entrega xave ba Katekista no tesi fita husi Bispo Dioseze Baucau, akompaña husi Koordenadór GASC no Administradora Posto Administrativu Vemasse.
Administradóra Postu Administrativu Vemasse Elda Maria Vegas dé Sousa Freitas hateten nia parte agradese ba Bispu Dioseze Baucau oferese nia tempu tomak hodi mai to’o rai Ossouala ida ne’e.
“ hanesan ita hotu hatene ami nia rai Ossouala ne’e furak tebes no dook husi sidade, bainhira tun husi Loilubu mai ami kondisaun estrada ne’ebé aat maibé nia ema no sarani sira iha ne’e nakonu ho domin, sira nia fuan ne’e fuan ne’ebé osan mean, no Sr. Koordenadór Gabinete Apoiu Sosiedade Sivíl husi nasionál, katak ami sira husi munisipál tantu husi postu ami tau esperansa tomak ba ita boot sira.” Dehan Elda
Iha fatin hanesan Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten, parseria ho konfisoes relijiozu hahú kedas husi IV Governo mai to’o ohin loron, momentu ne’ebá governu konsidera katak konfisoes relijiozu no igreja katólika sira nia misaun besik liu ba komunidade, tanba ne’e mak importánsia parseria ne’e hahú iha tempu ne’ebá.
“depois liu husi Diocese dezenvolvimentu liga husi suku to’o aldeia, iha tinan 2017 ninia métodu ne’e muda depois dé asina governu ho Santa Sé hodi estabelese Conferensai Episcopal Timor-Leste, iha IX Governo polítika ne’e kontinua mantein tanba ne’e tin-tinan hetan atribui liu husi orsamentu jerál estadu ba CET depois mak ba Diocese tolu (3).tenik Koordenadór GASC.
Eng. Joaquim da Costa Freitas dehan Gabinete Apoiu Sosiedade Sivíl ne’e uluk tutela iha Primeiru Ministru maibé mai iha IX Governo Gabinete ne’e tutela fali iha Vise Primeiru Ministro Asuntu Sosial nian, no kontente tebes hodi hasoru sarani Ossouala sira, hakarak apresia servisu hotu ne’ebé mak Diocese Baucau responsabiliza la’ós kapela ne’e de’it maibé sei iha kapela lubuk ida.
Maske nune’e bispu dioseze Baucau Dom. Leandro Maria Alves hateten nia parte parabeniza ba Ossouala oan sira, apresia ba sira nia kontribuisaun, sarani sira mós buka haka’as atu kontribui hodi nune’e bele dehan kapela ne’e ninia domin no sakrifísiu hotu.
“Igreja ho governu oinsá servisu hamutuk ne’e mantein nafatin, ne’e duni kontinua servisu hamutuk ida ne’ebé mak ba fíziku ka isin ninian no mós ba klamar nian, no agradese nafatin ba iha IX governu ne’ebé mak ho domin tomak ho laran tomak sei serbisu hamutuk ho ita-nia igreja.” Dehan Dom Leandro
Iha Serimonia Inaugurasaun marka prezensa husi Bispo Diocese Baucau, koordenadór GASC, Administrador Posto Administrativo Vemasse, Autoridade Lokal sira, Padre, Madre sira, Katekista no Sarani Ossouala. no mós iha intervensaun sira hanesan tuir mai ne’e; 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂