Covalima 23 Outubru 2025 : Diretór Hametin Lia Tatoli (sigla HLT),foin lalais ne’e realiza lansamentu kolleita Tomati ne’ebé maka hetan fundus husi GASC no iha serimónia ne’e kolleita diretamente husi jestór projetu Noqueira Mendes.
Liu husi intervensaun Diretór HLT Cipriano Menezes hateten nia parte agradese ba IX governu konstitusionál liu husi Gabinete Apoiu Sosiedade Sivíl (GASC sigla portugés) ne’ebé fó oportunidade ba ONG HLT dahtoluk nian.
“ami sei jere ho di’ak tuir planu atividade, ami mós hato’o agradese ba entidades hotu liuliu governu lokál munisípiu Covalima ho nia estrutura tomak nia kooperasaun no suporta durante atividade la’o, hanesan ema rezisténsia ita hamutuk luta ba libertasaun pátria no ohin ita hamutuk luta libertasaun povu ida ne’e no ne’e ita hotu nia responsabilidade atu kompleta.” Tenik Cipriano
Enkuantu nia aumenta IX Governu Konstutuisional RDTL liu husi GASC atu programa ida ne’e nafatin iha nia sustentabilidade no nafatin halo parseria ho ONG lokál no nasionál hodi tulun komunidade liuliu iha setór agrikultura hodi hasa’e produsaun Xefe grupu husu prepara merkadoria ba ami.
Reprezentante Autoridade Xefe Suku Maudemu, hateten nia parte hato’o agradese wain ba IX Governu Konstituisional liu husi GASC parseria ho ONG HLT ne’ebé apoiu ona komunidade grupu rua (2) Gupu Unidade Haburas Onularan no Unidade Haburas Feto husi Aldeia Onularan, suku Maudemo, Postu administrativu Tilomar, Munisípiu Covalima ba apoiu sira nia atividade hortikultura nian.
“hanesan reprezenta autoridade suku kontente tanba ami nia komunidade bele hatudu nia rezultadu di’ak. Ikus liu ami rekomenda ba parte relevantes atu nafatin akompaña ita-nia toos na’in sira liuliu husu ba diretóra agrikultura hanesan koordenadór ba Extensionista sira hodi mai fó asisténsia ba ami nia komunidade atu oinsá sira bele kuda ho di’ak no hasa’e produsaun no sira nia rendimentu bele aumenta.
Iha fatin hanesan Representa Autoridade Postu Tilimar dehan rai Postu Tilomar rai poténsia ba produsaun, maibé abandona barak liu ona, tanba ne’e husu atu nafatin badinas, nafatin servisu hamutuk ho ONG ne’ebé suporta Grupu sira ne’e bele la’o ba oin nafatin ba to’o iha grupu sira ne’e susesu hotu, sujere mós ba diretór MCI Munisípiu Covalima kona-ba Merkadoria, suku Maudemo nia Populasaun badinas maibé dala barak merkadu laiha hodi populasaun sira lori nia produsaun ba.
Ofisiál Tekniku Nogueira Mendes, hateten nia parte hato’o parabéns ba grupu benefisiáriu rua (2) Unidade Haburas Onularan no Unidade Habura Feto ne’ebé sai benefisiáriu direita ba programa IX Governu Konstituisional ba OJE 2025 liu husi gabinete apoiu sosiedade sivíl (GASC sigla portugés) no agradese ONG HLT ne’ebé identifika grupu tarjetu sira hodi implementa atividade Empoderamentu Komunitariu mai iha komunidade Aldeia Onularan Suku Maudemo, Postu Administrativu Tilomar, Munisípiu Covalima.
“importánsia husi apoiu sira mak oinsá ita bele hakbiit no tulun inisiativa sira ne’ebé husi komunidade sira iha ona, fó asisténsia siénsia no tékniku atu bele transforma agrikultór sira husi koñesimentu tradisionál ba iha modernizasaun nune’e bele hasa’e produsaun no hasa’e rendimentu família, husu ba grupu benefisiáriu atu nafatin iha konsisténsia ba atividade sira ne’ebé fó valór ekonomia, la bele dezafia ka para bainhira ita boot nia produtu sira lori ba merkadu la folin, ne’e hanesan dezafiu ida maibé la’os permanente tanba ne’e nafatin kuda no prodús ho kuantidade boot no kualidade nune’e bele sustenta ekonomia família uma laran.” Dehan Mendes 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
