Bobonaro 15 dezembru 2025 : foin lalais ne’e 10/12/2025 ekipa GASC ekipa Gabinete apoiu sosiedade sivíl (GASC sigla portugés) partisipa iha kuda ai-oan hamutuk 1345 ba rai hektar ida iha Aldeia Limannaro, Suku Rairobo, Postu Administrativu Atabae, Municipiu Bobonaro.
Enkuantu atividade kuda ai-oan ne’e organiza husi Organizasaun SANTALUN, iha programa Agrofloresta ne’ebé apoiu fundus husi GASC.
Aleinde iha iha atividade ne’e partisipa husi ekipa GASC, inklui mós husi autoridade komunitáriu sira,no komunidade Aldeia Limanaro Suku Rairobo. Iha tinan 2025, Santalun Prepara ai-oan no ai fuan huun 10,000.
Tipu ba ai-oan sira maka hanesan, ai-Saria, ai-Kakeu, ai-Mahoni no mós ai-fuan, Sabraka, rambutan, salak , Avokate, kulu jaka no ai horis balun tan mak ai-kameli no ai-maharo.
Rekorda mós katak, Ai-oan sira ne’e sei kuda iha rai hektar ida iha Suku Rairobo, Postu Administartivu Atabae Municipiu Bobonaro ho hektar ida iha Suku Fahelibu, Postu Administrativu Bazartete, Municipiu Liquica, no ne’e sei distribui mós ba komunidade sira hodi kuda iha sira nia toos. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
