Bazartete 15 jullu 2025: foin lalais ne’e Fundasaun Moris Foun (sigla FMF) hala’o formasaun ba sidadaun sira husi postu Maubara, Bazartete no postu Loes husi munisípiu liquisa no atividade ne’e rasik hetan apoiu finanseiru liu husi Gabinete Apoiu Sosiedade Sivíl (GASC sigla portugés)
Entretantu iha atividade formasaun ne’e loke husi adjunta koordenadóra Gabinete Apoiu Sosiedade Sivíl (GASC sigla portugés ), Yasinta Luzinha da C. Regras.
Iha abertura ne’e adjunta Koordenadóra GASC halo esplikasaun kona-ba Papel GASC no mós halo abertura ba atividade Fundasaun Moris Foun (sigla FMF), nian kona edukasaun sívika.
Enkuantu objetivu husi atividade ne’e mak atu hakbiit feto nia partisipasaun ho kualidade iha Prosesu ba desentralizasaun administrativa no podér lokál nian ba Feto prontu lidera .
Atividade formasaun ne’e rasik hala’o iha Salaun administrasaun postu Bazartete Munisípiu Liquiça.
Formasaun ne’e nia tarjetu ba ema na’in 90 mai husi postu Administrativu tolu mak hanesan Postu Administrativu Bazartete, Postu Administrativu Loes no Postu Administrativu Maubara ho partisipante kada Postu Administrativu ema na’in 30.
Aleinde liu hosi formasaun ne’e sei haforsa lideransa feto sira iha postu administrativu tolu refere hodi prepara sira nia an ba iha eleisaun kamára munisipál no prepara sira atu partisipa ativu iha prosesu desentralizasaun administrativa no podér lokál liuliu iha prontidaun atu asumi knaar sira iha área oioin bainhira hetan konfiansa.
Formasaun ne’e hala’o durante kada loron 3 no oradór mai hosi MAE, SEI, PDHJ no MOFFE-TL. 𝐑𝐄𝐌𝐀𝐓𝐀.
Informasaun Ofisiál No Atuál Husi Média GASC
Koordenadór GASC Ensera Atividade Treinamentu Planu Estratéjiku ba ONG iha Lautem.
GASC
August 13, 2025
