Fundasaun Luta ba Futuru Halo Revizaun ba Planu Estratéjiku.

Manufahi 18 agostu 2025: Segunda feira semana kotuk 11/08/2025 Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas abertura atividade ONG Luta ba Futuru kona revizaun planu estratéjiku ba dahuluk iha tinan 2025 atu dezeña fila fali issu estratejiku ba tinan 2026 to’o 2020.
Enkuantu diretór Fundasaun Luta ba Futuru, Armando da Silva iha nia intervensaun hateten katak revizaun planu estratéjiku ida ne’e hodi kontinua de’it servisu sira ne’ebé la’o ona.
“servisu ne’e kontinua la’o hela husi Mana Maria Dolorsa Boki Fernandes ho naran Bolu Mana Boki nu’udar diretóra Fundasaun Luta ba Futuru nian ne’ebé oras ne’e nia husik hela organizasaun no ami e ita hotu iha Fundasaun Luta ba Futuru, iha nia lideransa nia servisu hamutuk Mana Cristene Burke husi Australia Voluntariu Internasional hodi organiza ami hotu hodi dezenvolve Planu Estratejiku ida ne’e hahú kedas iha tinan 2017 to 2021”. Dehan Armando da Silva
Diretór ne’e komenta estabelese mós sentru formasaun ida iha postu administrativa Fatubeliu ne’ebé fasilita ona ema hamutuk 50 resin hodi tuir formasaun komputadór ne’ebé apoiu husi Australia Voluntary Internasional inklui mós gabinete apoiu sosiedade sivíl (GASC) hodi halo reabilitasaun ba sentru formasaun ida ne’e.
Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas aumenta revizaun Planu Estratejiku Fundasaun Luta ba Futuru nian katak revizaun planu estratéjiku to’o ona nia mandatu tinan lima signifika dezenvolve fali planu estratéjiku foun ba Fundasaun Luta ba Futuru ba tinan 2026 to 2030.
Eng. Joaquim da Costa Freita apresia ba autoridade Munisipiu Manufahi ne’ebé iha kooperasaun no apoiu sosiedade sivíl sira nia servisu hodi tulun malu iha dezenvolvimentu sira iha munisípiu laran kompara ho munisípiu seluk.
Revizaun Planu Estratejiku Fundasaun Luta ba Futuru ne’e hetan partisipasaun másimu hamutuk ema 35 resin kompostu husi reprezentante autoridade munisípiu reprezentante, MSSI, Edukasaun, Saude, Agrikutura no parseiru lokál sira hanesan KGM, AE-ATB, CEFOBOM, AGMF, FAKMAS, CCDC inklui Jestor no Staff sira iha FLbF. Atividade ida ne’e realiza durante loron haat (4) 11 to 14 Augusto 2025, iha Salaun PDHJ Rejional Same, Munisipal Manufahi apoiu finanseiru husi Gabinete dé Apoio à Sociedade Civil – GASC IX Governo ba tinan ida ne’e Fundasaun Luta ba Futuru hili fali Jòse Jaquelino S. da C. Gusmão hanesan Konsultan hodi fasilita no dezenvolve Planu Estratejia FLBF ba tinan lima tuir. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂