GASC Abertura Edukasaun Sívika Iha Munisípiu Atauro

𝐃𝐢𝐥𝐢 24 juñu 𝟐𝟎𝟐𝟓 : semana kotuk 20/06/2025 xefe departamentu Edukasaun Sivika no Boa Guvernasaun, reprezenta GASC partisipa abertu ba atividade Edukasaun sívika ne’ebé implementa husi Parseiro Movimentu Choque iha Suku Beloi Munisipiu Atauro.
Hafoin hala’o tia abertura parseiru Movimentu Choque halo formasaun ba komunidade, Joven no Estundandte sira hamutuk 120.
Enkuantu iha abertura ne’e reprezentante Presidente Autoridade Munisipiu Atauro, hateten nia parte agradese ba Movimentu Choque tanba hanoin hela Atauro oan hodi halo formasaun edukasaun sívika iha suku Beloi.
Iha fatin Prezidente Movimentu Choque Joao Choque hateten katak joven mak sai alvu ba atividade Choque nian tanba ne’e maka ekipa to’o iha Atauro atu fó formasaun ba sira.
Aleinde ne’e xefe departamentu Sivika no Boa Guvernasaun Salvador Cruz reprezenta GASC aumenta katak Movimentu Choque hetan apoiu ida ne’e ba dala rua no kontinua halo formasaun edukasaun Sivika ba joven no estudante sira iha Atauro no mós munisípiu sira seluk, husu ba partisipante sira atu partisipa didi’ak iha formasaun sira ne’e tanba matéria sira ne’ebé mak ekipa Choque fó bele sai hanesan Bukae ida atu implementa iha Sosiaedade.
Informa mós katak partisipa iha atividade abertura ba formasaun ne’e maka hanesan F-FDTL, PNTL, GASC, profesór Escola STV no autoridade munisípiu Atauro nian. 𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝐨𝐟𝐢𝐬𝐢𝐚́𝐥 𝙼𝗲́𝗱𝗶𝗮 𝐆𝐀𝐒𝐂