OE-Cusse 24 setembru 2025 :tersa feira ne’e 23/09/2025 Adjunta koordenadóra GASC reprezenta koordenadór akresenta Politika IX Governo ba apoiu Programa Empoderamento Komunitaria.
Adjunta koordenadóra GASC Yasinta Lujina C. das Regras informa katak ONG sira ne’ebé hetan osan subvensaun publika husi GASC tenke rejista iha ministériu justisa, no apoiu ne’ebé GASC iha ba programa 5 maka hanesan Boa Governasaun, edukasaun sívika, empoderamentu komunitária, haforsa instituisaun, no programa umanitária.
Yasinta Lujina C. das Regras mós informa katak ko’alia kona ba programa Empoderamentu ne’e hare liu ba fornesimentu formasaun ba joven sira atu prodús agrikultura no hortikultura atu nune’e hodi bele hasa’e rendimentu família oinsá sira atu jere osan ne’ebé sira hetan husi agrikultura no hortikultura.
Nia dehan GASC mós hare ba bee mos oinsá atu halo konservasaun ba meiu ambiente hodi nune’e bele hadi’a nutrisaun tanba ne’e grupu komunitária, servisu rasik mak tenke halo ida ne’e hanesan atividade ne’ebé seguru liu atu bele kria kampu traballu ba sira nia an rasik hodi bele kontribui ba ekonomia família.
Iha fatin hanesan diretór MDI mós informa katak, dezenvolve produtivu sira atu lori rai ida ne’e sai di’ak liu tan ne’e eventu ida ne’e sei haforsa liu tan joven produtivu sira atu nune’e sira mós bele kontribui ba Governu liu husi produtividade
“ho ida ne’e espera katak joven produtivu sira bele hetan formasaun barak iha área refere atu nune’e bele promove setór produtivu no emprendedorizmu ba foin-sa’e sira, nune’e bele sai nu’udar setór ne’ebé atrativu no seguru liu iha sira nia atividade agrikultura no hortikultura.” Dehan diretór MDI
Maske nune’e Xefe gabinete SECOP mós informa katak, diversifikasaun kapasidade iha ita-nia hanoin katak hamosu ita-nia hanoin foun hodi promove saida mak ita iha, no Joven sira tenke kritika atu hanoin atu halo saida ba ita-nia an, ita-nia komunidade no ita-nia nasaun.
“SECOP nakloke ba foin-sa’e sira atu tulun foin-sa’e sira hodi dezenvolve ekonomia iha ita-nia rai laran” tenik nia 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
