GASC Halao Lansamentu ba Formasaun Irigasaun Turuk

Atabae 03 𝐉𝐮lho 𝟮𝟬𝟮𝟓: Kuarta feira ne’e 02/07/2025 ekipa GASC, lideradu husi Ofisiál Departamentu Promosaun Empoderamentu Komunitáriu GASC,abertura lansamentu Formasaun Irigasaun Turuk, ne’ebé maka organiza husi Asosiasiasaun Ain Tanan Haforsa Komunidade.
Enkuantu Reprezentante Koordenadór GASC, Ofisial Departamentu Promosaun Empoderamentu Komunitáriu GASC, Jose Ximenes Fernandes iha nia intervensaun, hato’o parabéns ba Komunidade no grupu benefisiáriu sira inklui ONG Ain Tanan, Haforsa Komunidade ne’ebé sai parseiru dezenvolvimentu ba GASC iha tinan 2025.
Aleinde ne’e Jose Ximenes Fernandes aumenta Promove sistema mangeira turuk ba kantadeiru hanesan dalan ida ne’ebé uza hodi haree ba jestaun bee tanba bee mak hanesan fatór importante ba produsaun ai-horis, ida ne’e mós kontribui ona ba resiliénsia klimátika katak uza mangeira turuk bele jere bee ho di’ak, fahe bee ba modo oan iha kantadeiru laran ho kuantidade bee ne’ebé hanesan no Mangeira turuk mós hamenus servisu rega bee.
Entretantu Diretór Asosiasaun Ain Tanan Haforsa Komunidade, aumenta nia parte husu ba partisipantes sira, hodi aproveita oportunidade sira ne’e ho di’ak, hodi hasa’e liu tan koñesimentu no abilidade sira ligadu ho Sistema Irigasaun Turuk no agradese mós ba lideransa GASC ba segundu oportunidade, no komprimetidu sei ezekuta tuir planu atividade ne’ebé iha. 𝐑𝐄𝐌𝐀𝐓𝐀.
Informasaun Ofisiál No Atuál Husi Média GASC