Dili 22 Dezembru 2025: liu husi reflesaun koordenadór GASC ho funsionáriu sira iha parte dadeer no parte loraik kontinua kedas ho parseiru sosiedade sira iha salaun Canosa Haas Laran Dili semana kotuk 19/12/2025.
Vise-Primeiru-Ministru no Ministru Koordenador Asuntu Sosiál Eng. Mariano Asanami Sabino hateten katak, governu nia pozisaun kontinua apoiu sosiedade sivíl liu husi gabinete apoiu sosiedade sivíl, tanba sosiedade sivíl hanesan komponente importante ida, husi prosesu konstrusaun estadu.
“setór privadu, sosiedade sivíl no governu ne’e komponente importante, entaun komponente 3 ne’e kompleta malu no governu halo jestaun koordena no kontrolu, no setór privadu maka ita apoiu atu kria kampu servisu no sosiedade sivíl maka promove papél ida liuliu ba kontrolu sosiál no forma ema, transforma ema para kontinua mantein siblizasaun.” Dehan Vise Primeiru Ministru Eng. Mariano Asanami Sabino.
Maske nune’e Vise Primeiru Ministru aumenta tan katak, tanba ne’e iha tinan 2026 presiza tebes apela hodi mantein nafatin pozisaun iha moris ida ne’e iha ukun an tenke rezulta ba siblizasaun. . 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
