Ainaro 22 dezembru 2025: foin lalais ne’e komunidade maioria iha aldeia Hautio suku Mulo postu administrativu Hatubuilico munisípiu Ainaro sente kontente bee moos besik ona sira, ne’ebe maka finansia husi GASC no implementa husi ONG Naroman Timor Foun(sigla NTF).
Enkuantu iha mensajen Diretór Naroman Timor Foun(NTF sigla) Trensius Letto hatete, Sistema bee moos ne’e kumpre duni saida maka durante ne’e komunidade Hautio sira nia halerik tanba durante ne’e uma kain hamutuk 167 ho nia abitante 833 maka halerik ba bee moos maibé agora bee besik ona sira.
“atividade dada bee moos ne’e hetan suporta másimu husi Gabinete Apoiu Sosiedade Sivíl maka ita bele realiza atividade dada bee moos ne’e to’o remata, iha proposta ami atu konstrui bee matan 3 maibé iha implementasaun bee matan 5 maka ami konstrui ona, ida ne’e mai husi suporta balun husi komunidade ne’ebé maka hakarak sira nia bairru moos atu hetan Sistema bee moos refere.” Tenik Diretór NTF.
Iha fatin hanesan SMASA Ainaro hateten, bee moos ne’ebé maka besik ona presiza kuidadu didi’ak nune’e bele utiliza ba tempu naruk, iha problema ruma presiza halo kontribuisaun nune’e bele halo ninia manutensaun.
Maske nune’e Adjunta Koordenadóra GASC Yasinta Lujina C. das Regras aumenta katak, nesesidade bee moos importante tebes ne’e la signifika GASC hadau fali SAS nia servisu, maibé parseiru sira iha abilidade ne’ebé di’ak dada bee moos ba komunidade entaun GASC fasilita ho apoiu orsamentu hodi hala’o programa ida ne’e tulun komunidade.
“agora bee mós iha ona loos ka lae, tanba ne’e tenke utiliza bee ho didi’ak ba nesesidade báziku sira, ita espera agora bee iha ona atu fó tulun ba ema hotu atu asesu labele uza ba grupu ka pesoál ida maka uza mesak, tanba ida ne’e tulun ba komunidade entaun komunidade hotu tenke asesu ho di’ak. Tenik Adjunta Koordenadóra GASC 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
