Manatuto 23 dezembru 2025 :koordenadór GASC Segunda semana ne’e 22/12/2025, inaugura Sistema bee moos ba komunidade iha Aldeia Ainaulin, Suku Orlalan. Sistema bee moos ne’e, implementa husi organizasaun Tuna Mutin Timor Leste hamutuk ho komunidade mak estabelese ho apoiu fundus husi gabinete apoiu sosiedade sivíl.
Enkuantu sistema bee moos ne’e sei finansia komunidade uma kain 71 iha Aldeia Aimaulin
Iha inaugurasaun bee moos ne’e koordenadór gabinete apoiu sosiedade sivíl (GASC sigla portugés) Eng. Joaquim da Costa Freitas hateten nia parte husu ba komunidade hodi utiliza bee ho di’ak ho responsabilidade no husu ba Organizasaun Tuna Mutin hodi nafatin organiza komunidade hodi utiliza bee ne’ebé iha ona, ba atividade produtivu seluk hodi komunidade bele hatán tan buat ruma hodi hadi’a sira nia moris.
“nune’e Organizasaun Tuna Mutin labele haree estabelese sistema bee moos ba komunidade hanesan alvu ikus maibé nafatin organiza komunidade sira utiliza bee ba atividade sira seluk hanesan produsaun hortikultura iha uma huun hodi bele fó liu tan benefísiu ba komunidade sira rasik.” Dehan koordenadór GASC
Iha fatin hanesan Xefi Suku Orlalan, hateten tinan barak komunidade Aldeia Aimaulin, Suku Orlalan, ba kuru bee moos iha abat-laran ne’ebé dook husi komunidade nia hela fatin, maibé iha fulan rua ikus husi tinan 2025, komunidade sira hahú asesu ba bee moos besik ona iha sira nia uma.
“Bee moos ne’e estabelese husi Organizasaun Tuna Mutin Timor-Leste, ho apoiu fundu husi Gabeneti Apoiu Sosiedade Civil, IX Governu Konstitusional no, agradese ba organizasaun Tuna Mutin Timor-Leste ne’ebé mai servisu hamutuk ona komunidade hodi estabelese Sistema bee moos ba komunidade nu’udar autoridade suku agradese ba GASC ne’ebé apoiu ona fundus ba Organizasaun Tuna Mutin Timor-Leste, hodi dezenvolve Sistema bee moos ba komunidade iha Aldeia Aimaulin.” Tenik xefe suku
Depois inaugurasaun ne’e koordenadór GASC, entrega ekipamentu kontrola sistema bee moos ba komunidade liu husi grupu GMF ne’ebé estabelese ona husi komunidade benefisiáriu sira.
Enkuantu Inagurasaun bee moos ne’e partisipa husi, SMASA Municipiu Manatuto, Autoridade Postu, suku no komunidade sira iha Aldeia Aimaulin Suku Orlalan. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
