Dili 16 outubru 2025 : kinta feira semana ne’e Konfensoens relijiozu no kongregasaun aprezenta relatóriu implementasaun projetu ba Koordenadór Gabinete Apoiu Sosiedade Sivíl iha Palásiu Governu.
Liu husi introdusaun Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten katak, sorumutu ida ne’e liga ba ho progresu sira ne’ebé maka imi atinji nune’e mós atualiza informasaun ba iha públiku katak, Gabinete Apoiu Sosiedade Sivíl halo duni servisu balun.
“la’ós halo servisu hotu hotu ba rai ida, maibe halo netik servisu balun, no seluk fali maka prosedimentu administrativa sira ne’e presiza kontinua ita fó hanoin malu para ita labele du’un sala ba malu, tanba dinámika Sistema sira ne’e sempre halo ajustamentu iha ninia implementasaun”. Tenik Koordenadór GASC
Aleinde ne’e Eng. Joaquim da Costa Freitas aumenta katak, dekretu lei ne’ebé maka aprova agora ninia prosedimentu administrativa diferente, tanba ne’e maka enkontru ida ne’e tenta lori parseiru hotu hotu aprezenta rezultadu implementasaun no ONG sira aprezenta ona iha fulan hirak liu ba, no agora ne’e ba kongregasaun, konfensoens relijiozu sira hotu.
“fahe informasaun ida ne’e ho hanoin seluk maka entre parseiru sira bele koñese malu no iha informasaun katak, projetu ne’e implementa iha ne’e no projetu ida seluk implementa iha ne’ebá, ne’ebé orsida parseiru hotu sei hetan tempu 10 to’o 15 minutu atu halo aprezentasaun.” Dehan koordenadór GASC
Enkuantu Konfensoens relijiozu no kongregasaun ne’e halo aprezentasaun iha konta feira dadeer hamutuk 10 no iha parte loraik sei kontinua tan ho sira seluk. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
