Dili 10 Setembru 2025 : kuarta feira semana ne’e, Padre Parókia Ossu, Madre Canosiana Lesidere no Madre Colejiu Suai Covalima asina akordu subvensaun publika ho Koordenadór Gabinete Apoiu Sosiedade Sivíl(GASC sigla portugés) Eng. Joaquim da Costa Freitas.
Liu husi mensajen badak Koordenadór Gabinete Apoiu Sosiedade Sivíl Eng. Joaquim da Costa Freitas hateten katak, agora tama ona iha fulan setembru durante fulan outubru, novembru tenke halo ona ezekusaun orsamentu 50%.
“ha’u sujere iha primeiru transferénsia ne’e kompañia konsentra ba sosa material, ida ne’ebé maka presiza sosa hotu kedas para depois transferénsia segundu ba ne’e maka komesa selu ema no seluk tan”. Dehan Koordenadór GASC
Aleinde ne’e Eng. Joaquim da Costa Freitas aumenta obra ne’e maka, obra komunitária la selu tasa maibé obra ne’e maka halai ona ba iha kompañia tenke selu taxa.
Fó hanoin mós katak, asina kontratu subvensaun publika ho Koordenadór GASC maka padre. Jose Gonzaga, Madre Maria Carvalho FDCC, no Madre Sonia Sangel FDCC. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
