𝐃𝐢𝐥𝐢,20 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓 : kinta feira semana ne’e FONGTIL hala’o enkontru anuál 2025 nia ho tema prinsipál “ho prinsípiu ativizmu, ita asegura boa governasaun ba dezenvolvimentu nasional ne’ebe inkluzivu, reziliente no sustentavel” enkontru ne’e rasik halao iha salaun paroquial katedrál Dili no abertura husi Koordenadór GASC.
Liu husi introdusaun Diretór Ezekutivu FONGTIL Vatentim Pinto hateten katak, objetivu ba enkontru anuál ida ne’e maka refere liu ba estatutu FONGTIL nia iha artigu 25 ne’ebé maka permite sekretariadu hodi organiza enkontru anuál ida ne’e.
“enkontru ne’e atu aprezenta atividade sira, no mós aprezenta membru kandidatu sira, ne’ebé ita atu promove sai membru permanente ba FONGTIL no mós ita atu bele husu asembleia ba membru sira ne’ebé que la ativu no ita hasai sira nia estatutu hanesan membru FONGTIL”. Dehan Diretór Ezekutivu FONGTIL
Iha fatin hanesan Prezidente Konsellu Fiskál FONGTIL Inosencio Xavier hateten, enkontru anuál FONGTIL ho tema “ho prinsípiu ativizmu, ita asegura boa governasaun ba dezenvolvimentu nasionál ne’ebé inkluzivu, reziliente no sustentavel” ne’e nu’udar lalenok ida atu hare fila fali servisu durante tinan 1 ba pasajen no jornada sira.
“realizasaun ba enkontru ne’e baze maka hare ba artigu 25 estatutu FONGTIL nia nune’e ohin ita bele realiza enkontru anuál ida ne’e atu sai lori rezultadu tinan ida nia, debate dezafiu komún sira no hametin liu tan knaar sosiedade sivíl hodi promove partisipasaun fíziku transparente, reliziente,no dezenvolvimentu ida ne’ebé ekuitativu no sustentavel”. Tenik Inocensio Xavier.
Iha fatin hanesan Koordenadór Gabinete Apoiu Sosiedade Sivíl( GASC sigla portugés) Eng. Joaquim da Costa Freitas hateten, enkontru anuál ida ne’e espera membru hotu hotu iha inisiativa foun ruma para hadi’a funsionamentu FONGTIL ne’e ba oin.
“xave maka ne’e labele liu tia maka kritika hela de’it, maibé depois kritika ne’e oinsá imi halo melloramentu ba instrumentu ida ne’ebé maka imi iha,” dehan Koordenadór GASC
Maske nune’e Koordenadór GASC aumenta liu tan katak, estadu kontinua apoiu parseria sosiedade sivíl ne’e importante, tanba ne’e maka governu kontinua previstu iha planu tinan 5 nia ne’ebé aprova husi parlamentu nasionál no iha programa governu iha pájina 51 ko’alia ezisténsia sosiedade sivíl ne’e iha programa governu. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
