Koordenador GASC Abertura Reabilitasaun uma Dormitóriu Madre PRR

Liquica 23 jullu 2025: kuarta feira semana ne’e Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas abertura reabilitasaun uma dormitóriu Madre PRR Cominidade Caimeo Liquisa ne’ebé maka hetan apoiu fundus husi GASC.
Liu husi intervensaun badak Koordenadór Gabinete Apoiu Sosiedade Sivíl Eng. Joaquim da Costa Freitas hateten, baibain iha difikuldade atu foti desizaun maibé ne’e liu ona agora tama ona ba iha etapa foun atu hala’o servisu.
“ha’u espera hahú loraik ne’e badaen sira hahú ona servisu ba reabilitasaun dormitóriu ne’e, no orsamentu ne’ebé iha hahú daudauk ona servisu no sei iha komitmentu ba iha tinan oin, tanba daudauk ne’e gabinete iha de’it osan ne’ebé maka transferénsia ona no restu kontinua komitmentu ba iha tinan oin 2026.” Dehan Koordenadór GASC
Eng. Joaquim da Costa Freitas dehan kontratu ne’ebé maka madre halo ho kontratór ne’e atu kesi metin akordu ne’ebé maka iha ona nune’e bele finaliza obra dormitóriu ne’e to’o ba inaugurasaun.