Lautem 13 Agostu 2025: semana kotuk liu ba 08/08/25 Koordenadór Gabinete Apoiu Sosiedade Sivíl (GASC sigla portugés) halo enseramentu ba atividade treinamentu planu estratéjiku ba ONGs iha Parte Leste atividade ne’e hala’o iha Munisípiu Lautem.
Enkuantu objetivu husi treinamentu ne’e atu hasa’e koñesimentu membru ONGs sira atu dezeñu planu estratéjiku ho métodu Project Cycle Manegement (PCM) ba membru ONGs 31 iha Rejiaun Leste ne’ebé kompostu husi munisípiu Manatuto, Baucau, Viqueque no Lautem.
Tuir Diretór Ezekutivu FONGTIL Valemtin da Costa Pinto katak, formasaun ne’e ba dala tolu (Rejiaun Rai-Klaran, Oeste no Leste no agradese ba fasilitadór hodi fahe esperiénsia no matenek atu ajuda membru ONG sira ligadu ho planu estratéjiku ho metade PCM hodi asegura sustentabilidade organizasaun.
“nu’udar rekezitus prinsipál ba organizasaun tenke iha Formasaun ne’e iha ema na’in 29 husi Munisípiu Manatuto, Baucau, Viqueque no Lautem no agradese ba Sr. koordenadór GASC ne’ebé mak fó nia vida/atensaun tomak ba organizasaun sosiedade sivíl liu husi nia matenek ne’ebé mak iha, pesoál ne’ebé perspetiva ne’ebé aas; husu nafatin apoiu formasaun ba membru ONGs foun sira no mós refresing ba sira ne’ebé tuir ona”. Tenik Valemtin.
Iha fatin hanesan koordenadór GASC, Eng. Joaquim da Costa Freitas aumenta orsamentu GASC ba tinan 2026 programa ba organizasaun sosiedade sivíl nafatin aloka programa sira hanesan edukasaun sívika, empoderamentu komunitáriu, Boa governasaun, umanitária, Haforsa Institusional no Apoiu ba Instituisaun Relijiozus sira.
“Tinan barak ona la’o ho parseria, maibé difikuldade atu hetan ka hatudu kualidade no sustentabilidade husu ONGs sira bele asesu informasaun sira iha website GASC kona-ba rekezitus proposta sira aplikasaun proposta tenke SMART Specific (Objetivu tenke espesífiku no klaru), Measurable (bele sukat), Achievable (Realistiku), Relevant (Objetivu tenke relevantes) no Time-Bound (Tenki iha tempu ne’ebé mak loos no proposta tenke dezenvolve tuir matadalan Fundus Sociedade sivíl nian”. Dehan koordenadór GASC
Enkuantu membru ONGs husi Rejiaun Leste ne’ebé mak partisipa iha formasaun ne’e mai husi Munisipiu Baucau mak hanesan : Kolega da Paz, ADC, ADFTL, Teatru Filteda, F-CEO, FCHD, F-UMA PAS, CDC, ADC, CDB, AUFD; ONGs husi Munisipiu Viqueque : RPV; ONGs husi Munisipiu Manatuto: Sentru Juventude Manatuto, F. Leobalu, AFF no SKA-FR ONGs sira husi Munisipiu Lautem: Prospek, AHFTL, Fundasaun Seraphine, Kolping TL, Fraterna, Fundamor, AESPERO, Sentru Juventude Lautem, RHTO. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
Parseiru GASC, AESPERO hala’o programa promove saúde iha Lore I
GASC
July 17, 2025
