Dili 23 Dezembru 2025 : tersa feira semana ne’e Koordenadór Gabinete Apoiu Sosiedade Sivíl( GASC sigla portugés) Eng. Joaquim da Costa Freitas entrega simbolikamente ekipamentus ba eskola An-Anur.
Tuir Prezidente Fundasaun Anur, Mohammad Anwar da Costa hateten katak, apoiu ne’ebé maka fundasaun simu husi GASC konsege sosa ona ekipamentus ba eskola Anur no hetan tan apoiu orsamentu nafatin husi GASC hodi finaliza Meskita iha Lospalos ne’ebé maka ninia persentajen atinji ona 90% no bele inaugura ona iha tinan oin mai.
Enkuantu iha serimónia entrega ekipamentus ne’e Koordenadór Gabinete Apoiu Sosiedade Sivíl( GASC sigla portugés) Eng. Joaquim da Costa Freitas hateten katak, Gabinete ida ne’e maka iha papél ho nia tarefas atu halo atendimentu ba komfensoens relijiaun hotu-hotu maibé atendimentu ida ne’e la’ós ba individu maibé tenke ba instituisaun ne’ebé maka ita konsidera legál no iha kredibilidade.
“ konsiderasaun ba instituisaun la’ós ba polítiku tanba ida ne’e Anwar ho sira seluk bele ho munisípiu hanesan mais enkuantu imi ba ho liman mamuk sein surat tahan ida bolu proposta ne’e imi mós bele iha kotuk” Tenik Koordenadór GASC
Rekorda katak apoiu orsamentu ne’ebé maka GASC fó ba iha Fundasaun Anur konsege sosa ona ekipamentu ba eskola An-Nur maka hanesan kadeira ba estudante hamutuk 400 meza 10 no kadeira 10 ba profesór/á komputadór 2 printer 4, Projector ida inklui kamera vijilánsia ka CCTV pakote ida.
Partisipa iha serimónia ne’e maka Koordenadór GASC ho ekipa ,Prezidente Fundasaun Anur Mohammad Anwar da Costa,Konsellu Fundadór Anur Abdullah Said Sagran ho nia ekipa. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
