Lautem 14 novembru 2025: kuarta feira semana ne’e12/11/2025 Koordenadór Gabinete Apoiu Sosiedade Sivíl (GASC sigla portugés) Eng Joaquim da Costa Freitas hatuur fatuk dahuluk ba konstrusaun konventu madre CIC iha suku Maupitine munisípiu Lautem.
Liu husi mensajen badak Koordenadór Gabinete Apoiu Sosiedade Sivíl Eng. Joaquim da Costa Freitas hateten nia parte agradese ba maromak nia tulun ohin bele hamutuk iha fatin ne’e hodi halo lansamentu fatuk dahuluk ba konstrusaun konventu madre CIC.
Aleinde ne’e Eng. Joaquim da Costa Freitas hateten katak, komunidade Maupitine atu servisu hamutuk ho madre sira atu konstrusaun ne’e remata lalais.
“nu’udar Lautem oan sente kontente tanba iha ona madre sira ne’ebé mai ona iha Maupitine hodi ajuda inan aman sira hodi eduka alin no oan sira iha Maupitine, kona ba kursu sira hanesan kustura,kulinaria no Administrasaun hodi Eleva di’ak liu tan sira nia edukasaun.
Iha fatin hanesan Madre Odete mós hateten nia parte agradese no fo obrigada ba koordenadór GASC no xefe Suku Maupitine tanba hoi mi nia laran luak no imi-nia domin ajuda ona madre sira hodi fo Fundus inklui mós Rai. . 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
