Suai 10 Novenbru 2025: foin lalais ne’e Koordenadór Gabinete Apoiu Sosiedade Sivíl(GASC sigla portugés) Eng. Joaquim da Costa Freitas inaugura ona Centru Formasaun Prizaun Suai ne’ebé maka implementa husi parseiru HDS no finansiamentu husi GASC.
Entretantu atividade ne’e nia objetivu atu hasa’e kapasidade no koñesimentu báziku ba prizioneiru/á nian iha área relevante sira, hakbiit kapasidade hodi tranzmite fila fali ba komunidade bainhira prizioneiru/á ida livre ona ona husi prizaun.
Tuir Diretór Ezekutivu HDS Leão Dos Santos katak HDS nu’udar Organizasaun Non-Governamental ne’ebé harii iha iha loron 10 Fulan Dezembro tinan 2013 ho misaun atu tau matan ba asuntu sira hanesan, direitu umanus, Hametin lei no Justisa inklui Promove Igualdade Generu, Maibe objetivu Espesifiku HDS nian mak oinsá atu defende Prizioneiru no eis prizioneiru (feto-Mane) sira nia direitu hanesan ema kriatura iha Nasaun RDTL atu hetan tratamentu ne’ebé hanesan iha Justisa.
“HDS konstrui uma formasaun durante fulan (4) hahú husi inísiu fulan jullu 2025 to’o fin dé Outubro 2025 ne’ebé halo husi rekluzu Mane Nain (16) husi prizaun refere, informa mós katak programa ne’e rasik hetan apoiu fundus husi Gabinete dé apoiu a Sosiedade sivíl to’o ona iha etapa finál.” Tenik Leão Dos Santos
diretór ezekutivu FONGTIL Valemtim Costa Pinto aumenta katak nia parte sente kontente tanba nia mós bele hola parte iha inaugurasaun sentru formasaun ida ne’e, agradese mós tanba membru Fongtil sira buka espasu hotu atu bele buka oinsá mak bele fó asistente ba maluk sira ne’ebé presiza.
Iha fatin hanesan koordenadór gabinete apoiu sosiedade sivíl(GASC sigla portugés) Eng. Joaquim da Costa Freitas afirma katak parte GASC fó apresiasaun ba sira nia pasiénsia no servisu tomak iha fatin ida ne’e.
“iha moris ita hakarak liberdade ida ne’e kontinua maibé dala ruma ita hakat sala ita tenke tama iha fatin ida ne’ebé mak presiza atu renova fali sai moris foun ida ne’e ho ambiente ne’ebé mak foun”. Dehan koordenadór GASC.
Eng. Jaoquim da Costa Freitas salienta liu tan katak, GASC tutela iha gabinete Vice primeiru ministru maibé dala barak mós kontinua nafatin halo ligasaun ne’ebé mak di’ak ho primeiru ministru.
Maske nune’e diretór Nasional DNSPRS informa mós katak nia parte hato’o agradesimentu ba GASC tanba fó ona konfiansa ba Proposta HDS nian hodi finaliza Centru formasaun ida ne’e. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
