Dili 03 outubru 2025 : sesta feira semana ne’e Koordenadór Gabinete Apoiu Sosiedade Sivíl inaugura ona Hosana training Center Bebora ne’ebe maka hetan apoiu finanseiru husi GASC hodi halo reabilitasaun.
Entretantu iha atividade serimónia ne’e Pastór Arlindo Marcal hateten katak, nia parte agradese ba apoiu husi GASC no parte hotu-hotu liuliu ba GASC ne’ebé maka halo kooperasaun di’ak hodi remata ona Hosana training Center Bebora.
“ita hotu iha esperansa ida katak, Hosana training Center Bebora ninia utilizasaun ne’e bele fó vantajen ba ema hotu, primeiru ba ita-nia sarani sira, segundu ba kongregasaun ninia, no terseiru ba iha komunidade én jerál”. Tenik Arlindo Marcal
Iha fatin hanesan Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten katak, hahú ohin entrega Hosana training Center, IPTL iha ona programa lubuk ida ne’ebé maka sei implementa iha sentru formasaun ida ne’e, liuliu edukasaun morál, étika ba juventude sira.
“liga ho sentru ne’e depois asina plaka entrega dokumentu ba imi , ami termina ami nia responsabilidade, agora responsabilidade ba oin, liga ho nia manutensaun no kuida no nia funsionamentu ne’e iha imi IPTL nia liman, governu ajuda imi hodi estabelese imi-nia kondisaun de’it, maibé ninia manutensaun sira ne’e iha ita boot sira nia liman.”dehan koordenadór GASC 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
