Maubisse 10 novembru 2025 : foin lalais ne’e Koordenadór Gabinete Apoiu Sosiedade Sivíl (GASC sigla portugés), Eng. Joaquim da Costa Freitas, Inaugura sistema be mos iha Aldeia Quiri-Coli, Suco Manetu, Posto Adm Maubisse, Municipiu Ainaro.
Enkuantu Projeitu kanalizasaun be mos ne’e hala’o husi Fundasaun Hafoun Timor Lorosa’e (F-HTL) hamutuk ho komunidade Quiri-Coli, Suco Manetu Maubisse, no orsamentu ba atividade ne’e finansia husi GASC.
Enkuantu iha serimónia ne’e Autoridade Posto administrativu Maubessi Joaquim Soares Salsinha hateten nia parte agradese ba governu sentrál husi IX governu konstitusionál liu husi Gabinete Apoiu Sosiedade Sivíl (GASC sigla portugés) ne’ebé maka implementa husi Parseru Dezemvolvimetu ONG Fundasaun Haburas Timor Lorosa’e F-HTL, liu husi OJE 2025 nian, ne’ebé tulun ona komunidade iha Aldeia Quiri-Coli, Suku Manetú, Postu Administrativu Maubessi, munisípiu Ainaro.
Diretór F-HTL, Alvaro Antonio Alves Sarmento de Jesus, aumenta ba IX Governu Konstituisional liu husi Gabinete Apoiu Sosiedade Sivíl (GASC sigla portugés), ne’ebé fó ona konfiansa ba ONG F-HTL, sai parseiru dezenvolvimentu governu nian hodi implementa projetu sistema bee moos iha komunidade Quiri-Coli no hato’o agradese ba komunidade, konsellu suku parte hotu nia apoiu no servisu hamutuk ohin hala’o serimónia Inaugurasaun ba Sistema Bee Moos ‘BARARA” iha Aldeia Quiri-Coli.
Diretór Ezekutivu FONGTIL, Valentim da Costa Pinto, aumenta nia parte fo parabeniza ba komunidade Aldeia Quiri-Coli ne’ebé konstrui ona Sistema Bee Moos, hodi bele sustenta nesesidade loroloron, ida ne’e fasilidade importante, prinsipál no fundamentál, ba moris liuliu populasaun sira ne’ebé iha área remotas.
Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Fretas, GASC ne’e ki’ik ida ne’ebé iha IV, VI, VII, VIII governu konstitusionál ne’ebé tutela ba iha Gabinete Primeiru Ministru no mai IX Governo Konstituisional mai fali iha Vise II Primeiru Ministru, Ministru koordenadór ba Asuntu sosiál no abitasaun Komunitariu, Sosiedade sivíl konfiksoens relijiozu, kongrasoens fundasoens no assossiasoens sira ne’e iha responsabilidade koordenadór GASC.
“governu haree ba área barak dala ida de’it Edukasaun, saúde, kultura, Ekonómia no seluk tan , entaun ema sira ne’ebé hela iha área remotas governu dala ruma atu hakat to’o mai ne’e presiza tempu, tanba ida ne’e mak governu estabelese pasta ki’ik oan ida hodi halo parseria ho organizasaun Sisiedade sivíl sira hodi bele alastra ka haluhan dezenvolvimentu la’os iha nasionál de’it maibé mai to’o iha área rurál. ne’e tanba halo kooperasaun no parseria ho asosiasaun no fundasaun sira, maibé la fasil atu haree entidade boot ida, tin-tinan GASC simu proposta to’o 300-400, deside karik se los mak hetan uluk, parseria ida ne’e estabelese ho organizasaun sira ne’ebé iha duni nia kualidade, iha esperiénsia servisu, esperiénsia sira ne’ebé liga ho sira nia área.” Tenik Eng. Joaquim da Costa Freitas
Programa refere implementa ho durasaun tempu fulan Hitu (7) hahú husi fulan (Maiu’2025 to’o Novembru 2025) iha Munisipiu Ainaro, Postu Maubisse, Suku Manetú, ,Aldeia Quiri-Coli ho totál Benefisiariu hamutuk 327. Serimónia refere nu’udar pasu krítiku ida hodi asegura katak komunidade ne’ebé benefísiu ba sistema bee moos BARARA atu jere no sustenta sistema bee ho independente no sustentavel.
Aleinde partisipa iha iha serimónia entrega sistema be mos “BARARA” refere, Koordenador GASC, Eng. Joaquim da Costa Freitas, Sekretaris Assunto Social Agostinho Doutel Sarmento , diretór Fongtil, Valentim da C. Pinto, Diretor SMASA Ainaro, Feliciano da C. Verdial, Administrador Posto Maubisse Joaquim Soares Salsinha, ho komitiva, inklui lia na’in no komunidade Suco Manetu. GASC 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
