Alas 29 setembru 2025: sábadu semana kotuk 27/09/2025 Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas inaugura ona Uma Comunidade CIJ ST, iha postu Alas Weberek Munisípiu Manufahi ne’ebé maka hetan apoiu finanseiru husi GASC iha IX governu.
Enkuantu iha inaugurasaun ne’e reprezentante madre CIJ hateten katak, madre Comunidade CIJ agradese tebes ba iha IX governu nia apoiu ba konstrusaun uma ba madre CIJ liu husi Gabinete Apoiu Sosiedade Sivíl, tanba maromak halo buat hotu sempre tuir nia tempu.
“madre kongregasaun CIJ mai hala’o misaun iha Alas durante tinan 33 ona, ohin maka hanesan grasa boot ida, mai ami hodi hala’o ami nia knaar iha ne’e hamutuk ho sarani sira iha eskola no iha orfanatu sira tinan naruk nia laran liu husi prosesu lubuk ida hasoru difikuldade terus oin-oin maibé la husik sarani sira iha fatin ida ne’e, no ohin liu husi grasa boot ida husi IX governu hodi kria ona kondisaun uma ne’ebé di’ak tebes.” Tenik reprezentante madre CIJ.
reprezentante PAM Munisípiu Manufahi aumenta nia parte maka sai sasin ba madre CIJ tanba hamutuk ho sira iha tempu naruk no sai família ida ba sira iha munisípiu Manufahi, hodi hare sira nia susar, realidade susar ne’e iha tempu naruk, maibe madre sira halo proposta no iha IX governu maka foin hetan apoiu ba sira liu husi GASC.
Aleinde iha fatin hanesan Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten katak, irmán sira tenke agradese ba iha Primeiru Ministru ba apoiu ne’e.
“tanba hau rasik la hatene Weberek ne’e iha ne’ebé maske liu ba mai husi fatin ne’e , ne’ebé imi-nia proposta ne’e ne’e Primeiru Ministru maka lori ba iha Palásiu Governu, no gabinete ida ne’e eziste kedas iha IV governu konstitusionál iha 2008, tanba ne’e CIJ mai GASC ne’e la’ós buat foun ida, ita mos la’ós hare ba Dotik de’it, maibé hare ba Timor laran tomak hodi prepara rekursu ne’ebé di’ak ba iha nasaun nia futuru oin mai.”tenik Koordenadór GASC
Enkuantu Eng. Joaquim da Costa Freitas aumenta tempu besik Timor-Leste sei tama ba iha ASEAN tanba ne’e rekursu umanu ba jerasaun foun ne’e importante tebes ba nasaun. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
