Lore 17 jullu 2025 : foin lalais ne’e representante GASC hala’o lansamentu programa promove Saúde Liuhusi Hahalok Moris Saudavel, ne’ebé implementa husi Associação Esperança para Futuro (AESPERO), iha Lore I, munisípiu Lautem.
Enkuantu objetivu husi programa ne’e atu prevene malnutrisaun iha komunidade liu husi promove ai-han lokál nutritivu sira ba konsumu loron-loron no moris iha ambiente ne’ebé mós.
diretóra Juliana dé Jesus, hateten nia parte kompromete sei halo koordenasaun di’ak ho parte hotu hodi implementa programa ne’e ho di’ak.
tuir Diretora AESPRO katak, programa ne’e nia rezultadu asesmentu hamutuk komunidade no autoridade suku sira no programa ne’e hetan apoiu fundus husi GASC hodi implementa nune’e parte hotu sei partisipa ho di’ak iha implementasaun programa.
Iha intervensaun reprezentante koordenadór GASC Rogerio Soares aumenta nia parte husu ba Organizasaun AESPRO no parte hotu ne’ebé mak partisipa iha lansamentu programa ne’e liuliu grupu tarjetu sira pro-ativu iha implementa programa hodi nune’e bele hetan duni benefísiu husi programa ne’e.
Por enkuantu programa ne’e rasik nia tarjeto ba liu komunidade sira iha suku no eskola ensinu báziku sira iha suku, no atividade sira ne’ebé mak sei realiza mak halo kampaña ba komunidade, mestria no estudante sira kona-ba ai-han nutritivu no jestaun lixu iha komunidade no eskola sira.
Atividade ne’e rasik hala’o iha salaun eskola ensinu báziku filial No. 1, Lore I, partisipa másimu husi autoridade sira husi nivel munisípiu parte saúde nian, parte servisu Agrikultura Municipal nian, Autoridade postu, suku, mestre, estudante no komunidade.
