Manatuto 17 Novenbru 2025 foin lalais14/11/2025 ne’e Xefe Departamento Empoderamento Comunitario Rogerio Soáres, partisipa atividade distribuisaun fini no materiál ba benefisiáriu 6 ne’ebé realiza iha suku iliheu, postu administrativu Laclo, munisípiu Manatuto, ne’ebé maka organiza husi ONG PRADET-Tl.
Enkuantu reprezentante Koordenadór Gabinete Apoiu Sosiedade Sivíl (Gasc sigla portugés), ne’ebé maka reprezenta husi xefe departamentu empoderamento komunitária Rogerio Soáres, hateten nia parte fo parbeniza ba benefisiáriu sira ne’ebé sai benefísiu ba polítika no programa IX governu konstitusionál nian liu husi Gabinete Apoiu Sosiedade Sivíl ne’ebé hala’o parseria ho ONG PRADET-Tl hodi implementa projetu apoiu fini no materiál iha munisípiu haat (4) Manatuto, Aileu, Ermera no Liquiça ho totál 22 benefisiáriu.
“Husu ba inan aman sira atu hakiak no jere ho di’ak, tanba ema barak mak hakarak atu hetan maibé ita boot mak sai benefísiu ba tinan ida ne’e, labele halo fali ba lia, ida ne’e fó ba ita boot sira atu hakiak, fa’an mak nia rezultadu husi hakiak, labele fa’an governu nia liu husi ONG PRADET-Tl fó ba imi, hanesan mós ba sira ne’ebé hetan apoiu sasán kios nian husu atu jere ho di’ak nune’e bele ajuda imi-nia ekonomia família no suporta oan sira nia estudu.” Tenik Rogerio
Enkuantu reprezentante xefe suku ili-huli reprezenta husi xefe aldeia Centelino Soares hateten nia parte agradese ba governu sentrál husi IX governu konstitusionál liu husi Gabinete Apoio Sosiedade Sivíl ne’ebé implementa husi parseiru dezenvolvimentu Ong Pradet Timor Lorosa’e,
“ne’ebé tulun no fó apoiu fini no materiál ba komunidade ne’ebé ekonomia susar tebes, husi apoiu sira ne’e bele hakmaan sira nia susar no bele hasa’e ekonomia família hodi bele apoiu oan sira nia estudu, no husu ba benefisiáriu sira atu kuidadu fini sira no tenke hakiak ho di’ak, labele uza ba lia tanba governu sei la apoiu tan ho fini no materiál hanesan ne’e ba ita boot ba dala rua, repete husu atu kuidadu animál sira no sasán kios nian ne’ebé ONG PRADET –Tl parseria ho governu Timor-Leste apoiu ba ita boot sira”.tenik autoridade lokal
Maske nune’e Koordenadór programa PRADET-Tl, Fernandes Amaral,subliña katak, Preadet agradese ba IX governu konstitusionál liu husi Gabinete Apoiu Sosiedade Sivíl, ne’ebé fó ona konfiansa ba Pradet-tl hodi sai parseiru dezenvolvimentu governu nian hodi implementa projetu apoiu fini no materiál ba ema ne’ebé ho ekonomia ekonomia vulneravel sira, liuliu sira ne’ebé problema violasaun.
“husu ba benefisiáriu inan-aman sira atu kuidadu animál no sasán ne’ebé ami oferese ba ita boot sira, tenke kuidadu ka hakiak ho di’ak tenke han ka uza nia rezultadu ne’ebé ita bo’ot sira hetan, ami sei hala’o monitoring ba Ita-Boot nia atividade regulár”. Tenik nia
