Bobonaro, 27 Juñu 2025: kinta feira semana ne’e Primeiru-Ministru (PM), Kay Rala Xanana Gusmão akompaña hosi Bispu Dioseze Sagrado Coração dé Jesus Maliana, Dom Norberto do Amaral hala’o observasaun bá fatin konstrusaun Igreja Katderál Maliana nian iha área Ex-Kodim, Raifun-Ritabou.
Enkuantu iha Observasaun ne’e hala’o hafoin halo abertura bá semináriu “XV aniversáriu Dioseze Maliana ho Jubileu tinan 350 Coração de Jesus” ne’ebé realiza iha Salaun Padre Manuel Luís, Igreja Paroquial Maliana, kinta feira ne’e.
Dom Norberto do Amaral hamutuk ho sarani Maliana tau esperansa boot bá Primeiru-Ministru, Kay Rala Xanana Gusmão katak, durante mandatu iha Governasaun ida-ne’e sei iha dalan bá inísiu konstrusaun Igreja Katedrál ne’e.
Durante halo observasaun, akompaña mós hosi Deputada Parlamentu Nasional, Maria Goromali Barreto, Koordenadór Gabinete Apoiu Sosiedade Sivíl, Joaquim da Costa Freitas ho padre sira Dioseze Maliana nian. 𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝐨𝐟𝐢𝐬𝐢𝐚́𝐥 𝙼𝗲́𝗱𝗶𝗮 𝐆𝐀𝐒𝐂
