Dili 22 jullu 2025: tersa feira semana ne’e Amu Parókia husi Fatuberliu Munisípiu Manufahi no Amu Parókia Atsabe Munisípiu Ermera asina akordu subvesaun publika ho Gabinete Apoiu Sosiedade Sivíl ba konstrusaun kapela 2, maka hanesan kapela São João Batista Aitara no São Rafael Kaikasa.
Liu husi intervensaun badak Koordenadór Gabinete Apoiu Sosiedade Sivíl(GASC sigla portugés) Eng. Joaquim da Costa Freitas hateten katak, asina ona akordu, hahú ona konstrusaun ba kapela 2 refere, tanba kuandu asina akordu la kleur osan sei tama ba iha konta bankária.
Eng. Joaquim da Costa Freitas hateten, na’in ba kapela sarani hotu nia maibé kapela ne’ebé maka halo iha suku tuir jurídiku na’in loos maka Parókia.
“tanba sá maka tenke parókia, tanba kapela sira ne’e nia na’in maka parókia ita sira ne’e na’in hotu , tanba igreja maka sarani, sarani maka igreja ne’ebé ita sira na’in hotu, maibé na’in tuir termu jurídiku lei ne’e Parókia maka na’in, ne’ebé kuandu iha oportunidade sarani no xefe suku hotu hatama proposta mai husu atu halo kapela sein amu hatene maibé kuandu to’o iha GASC rekezitu ida maka amu sira tenke aprova.” Tenik koordenadór GASC
Aleinde ne’e Koordenadór GASC aumenta katak, depois asina akordu ne’e hotu tékniku sira sei kopia relatóriu narativu no finanseiru ba amu sira atu bele prienxe.
Enkuantu serimónia asina akordu ne’e asiste husi Administradór Postu Administrativu Atsabe no Xefe suku husi Kaikasa Postu Administrativu Fatuberliu Munisípiu Manufahi
