Liquisa 24 Junho 2025, segunda Feira semana ne’e 23/06/2025 Assosiasaun Ba Futuro hala’o formasaun ida hanaran ‘’Foinsa’e Lidera Peacejam Hodi Sai Ajente ba Dame iha sira nia Komunidade’’ no iha treinamentu ba treinadór (TOT) ba mentor na’in sanulu (10) husi postu administrativu 3 iha munisípiu Liquisa.
Enkuantu treinamentu ne’e ne’e hodi kapasita sira nia abilidade atu lidera programa Peacejam ba eskola no komunidade sira iha postu administrativu Liquisa, Bazartete, no Maubara Foin sa’e na’in 10 ne’e tuir treinamentu durante loron tolu.
Objetivu husi Projetu ida ne’e mak atu kapasita foin-sa’e sira nia abilidade lideransa hodi bele lidera inisiativa sira ba harii dame, prevene no rezolve konflitu ho dame iha sira nia komunidade no eskola sira liuhusi Istoria no lisaun Inspirativu sira husi Laureadu Nobel da Paz sira.
Jestór programa hateten katak, Hafoin hetan ona abilidade hodi sai fasilitadór, foin-sa’e mentor na’in 10 sei organiza projetu servisu komunitária no planu asaun sira hodi promove dame iha postu administrativu Liquiçá, Bazartete no Maubara
Xefe Departamento Edukasaun Sivika no Boa Governasaun informa katak Assosiasaun Ba Futuro hanesan tuan ne’ebé mak tinan kotuk hala’o ona atividade foin-sa’e lidera peacejam hodi sai ajente ba dame iha sira nia komunidade iha Dili, tinan ida ne’e hala’o fali iha munisípiu Liquisa.
“Iha formasaun treinamentu ba Treinador ne’e importante tebes ba joven sira,no husu ba treinadór na’in 10 ne’e durante treinamentu loron tolu aproveita oportunidade ida ne’e ho di’ak hodi tranzmite fila fali ba komunidade no eskola sira ne’ebé mak ita boot sira sei halo atividade ba, treinamentu ba Treinador ne’e oinsá bele prepara ita an no mentalidade bainhira ita ba iha terenu hodi sai fali formadór no fó formasaun ba komunidade no estudantes sira ne’ebé sai ita-nia targetu.”tenik Salvador Cruz.
𝗜𝗻𝗳𝗼𝗿𝗺𝗮𝘀𝗮𝘂𝗻 𝐨𝐟𝐢𝐬𝐢𝐚́𝐥 𝙼𝗲́𝗱𝗶𝗮 𝐆𝐀𝐒𝐂
