Dili 9 dezembru 2025 : tersa feira semana ne’e Reprezentante Gabinete Apoiu Sosiedade Sivíl (GASC sigla portugés) abertura soru tais ne’ebé maka implementa husi parseiru Timor Aid iha sala leitura Xanana Gusmao Licidere.
Liu husi introdusaunJjestóra programa Timor Aid Felisidade hateten katak, tais hanesan identidade kulturál ne’ebé maka rejistu ona iha Unesco nia, tanba ne’e iha servisu lubuk ida maka presiza halo maka iha konservasaun nia, promosaun, dokumentasaun no seluk tan.
“nu’usá maka ita hakarak hala’o atividade suru tais ne’e, ninia objetivu maka atu motiva ita-nia soru tais na’in sira, liuliu parte joven tanba sira maka futuru, tanba ne’e alin sira bele hare iha ne’ebá hahi’i bei’ala sira nia matenek no tane identidade, tanba ne’e soru tais hanesan identidade ida ne’ebé maka ita-nia bei’ala sira husik hela mai ita.” Dehan Felisidade.
Liu husi abertura ba kompetisaun ne’e reprezentante GASC Salvador da Cruz aumenta katak, apoiu ne’ebé GASC fó ba parseiru sira ne’e oinsá maka motiva nafatin joven sira oinsá bele aumenta abilidade liu husi soru tais nune’e fila ba ida ida nia munisípiu karik bele implementa iha ne’ebá.
“kompetisaun ida ne’e hodi hare kada munisípiu nia abilidade soru tais, kompetisaun ne’ebé maka hala’o husi Timor Aid ne’e hanesan parte ida atu hatudu ba joven sira atu labele halakon ita-nia identidade tais kada munisípiu, tanba tais iha valór ne’ebé boot presiza Hadia nafatin ninia kualidade”. Tenik Salvador da Cruz 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
