Dili, 08 Julho 2025 : Segunda feira horiseik 07/07/2025 Assosiasaun Naroman Ba Futuro, hala’o abertura formasaun ba Formador, atividade refere realiza iha suku Fatuhada, Postu Administrativu Dom Aleixo Munisípiu Dili.
Enkuantu Assosiasaun Naroman Ba Futuro (ANBF) realiza formasaun ba formadór ne’ebé mak kandidatu hodi sai Formador ba iha servisu sosiál.
Aleinde iha Sesaun loron primeiru sira ne’ebé fasilita husi Fasilitador mak hanesan prinsípiu aprende ba ema Adultu,komprende oinsá ema adultu nia aprende no oinsá atu fasilita prosesu aprende ne’ebé mak efetivu.
Rezultadu husi formasaun ne’e mak pesoál ida bele organiza dinámiku formasaun ne’ebé efetivu oinsá bele hakbiit abilidade sai hanesan formadór ba ajente transformasaun.
Iha abertura ne’e Sekretaria Jerál Assosiasaun Naroman ba Futuro Agradese ba Gabinete Apoiu Sociedade Sivil ne’ebé mak fó apoiu ba Organizasaun Naroman Ba Futuro hodi bele hala’o atividade Kapasita Grupu Vulnerável no Defisiénsia sira liuhusi Implementasaun Programa Edukasaun Inkluzivu.
Iha fatin hanesan Xefe Departamentu Edukasaun Sívika no Boa Governasaun Salvador da Cruz hateten nia parte fó hanoin nafatin Assosiasaun Naroman Ba Futuro hanesan parseiru tenke halo servisu ho transparénsia no akontabilidade liuliu ba iha ezekusaun nian.
“husu ba partisipantes sira katak formasaun durante loron haat ne’e aproveita ho di’ak, nune’e bele hasa’e formadór sira nia kapasidade no koñesimentu bainhira tun ba iha baze, no liu husi formasaun bele aumenta abilidade oinsá sai formadór ida ne’ebé mak di’ak iha futuru oin mai, iha área lideransa nian bele implementa fali iha sosiedade, suku no aldeia ne’ebé mak ita hela ba”. Dehan Salvador Cruz. 𝐑𝐄𝐌𝐀𝐓𝐀.
Informasaun Ofisiál No Atuál Husi Média GASC
