Iha loron 21 Abril 2026, Gabinete de Apoio à Sociedade Civil asina Akordu Subvensaun Publiku Tinan 2026 ho Konfisoes Religiosa sira iha sala reuniaun GASC iha Palacio do Governu,Dili.
Reprezentante Konfisoes Religiosa Pe. José Gonsaga hato’o agradese wain ba IX Governu Constituisional liu husi Gabinete de Apoio à Sociedade Civil (GASC) kontinua apoiu ema ne’ebé presiza tebes governu nia tulun hodi implementa programa sira iha baze, tanba ne’e husu nafatin atu serbí ba nia rai ho di’ak.
Coordenador GASC Eng. Joaquim da Costa Freitas mós hato’o mensajen ba padre ho madre sira, katak nu’udar parseiru estratéjiku hodi implementa polítika IX Governu Constisional nian, husu atu implementa programa sira ne’e ho di’ak no halo tuir kontratu ne’ebé entre parte rua asina ohin loron.
Ba tinan ne’e proposta admitidu ba konfisoes Religiosa katóliku no Non Katoliku hamutuk 53, no ba primeira faze selebra asina kontratu hamutuk ualu (8) no sei kontinua asina kontratu wainhira kandidatu admitidu sira kompletu ona dokumentu suportivu sira
