𝐃𝐢𝐥𝐢 𝟐𝟔 M𝐚𝐢𝐮 𝟐𝟎𝟐𝟓 : sesta feira, 23/05/2025 Organizasaun Sosiedade Civíl asina kontratu subvensaun publika ho Gabinete Apoiu Sosiedade Civíl (GASC sigla portugés) hodi hala’o sira nia inisiativa ba empodera komunidade iha terenu.
liu husi mensajen badak Reprezentante Organizasaun Sosiedade Civíl hanesan mós atuál Prezidente CNJTL Maria Dadi Magno hateten katak, nia parte agradese ba boa vontade husi IX governu konstitusionál através liu husi Gabinete Apoiu Sosiedade Sivíl ne’ebé maka kontinua apoiu ba atividade no hanoin tomak husi sosiedade sivíl atu kontribui iha prosesu dezenvolvimentu.
maske nune’e Maria Dadi Magno aumenta liu tan katak, atu konkretiza dezenvolvimentu ne’e lao ho hanoin no vizaun ida de’it oinsá maka atu kontribui no hamutuk ho estadu ajuda povu Timor.
“ha’u mós iha hanoin ida katak dirijenti organizasaun sira ne’e kontinua iha komitmentu atu oinsá maka apoiu ne’ebé GASC oferese sei iha komitmentu atu implementa tuir programa ne’ebé hato’o iha proposta ne’ebé maka iha sei hala’o ho kaer prinsípiu boa governasaun no sei ezekuta didi’ak orsamentu sira ne’e” Tenik Presidente CNJTL
Iha fatin hanesan Koordenadór Gabinete Apoiu Sosiedade Sivil (GASC sigla portugés) Eng. Joaquim da Costa Freitas hateten katak, sosiedade sivíl hanesan organizasaun naun- govermental la’ós subordinario ba governu nebe’e tenke fó apoiu, maibé governu halo hela polítika ida boa fé hakarak fó apoiu ba inisiativa ba organizasaun sosiedade sivíl ne’ebé maka bele halo intervensaun ruma ben komún povu nian, komunidade nian hanesan parseiru.
“parseria ida ne’e la’o tinan naruk ona no iha organizasaun lubuk ida ne’ebé maka hahú tinan 10 mai ne’e sira hetan hela de’it no tinan ida ne’e maka para oituan lai, no bele konsidera fali tinan oin, tanba iha tinan ida ne’e governu la tau atensaun ba atividade sira ne’ebé maka ko’alia kona ba advokasia, maibé governu tau liu atensaun iha empoderamentu komunitária, formasaun”.Dehan Koordenadór GASC.
Aleinde ne’e Eng. Joaquim da Costa Freitas aumenta, organizasaun sira ne’ebé liu ne’e tama iha kompetisaun ida katak proposta ne’e di’ak maka liu selesaun, la’ós dehan hanoin maka fó imi liu.
Fó hanoin mós katak organizasaun sosiedade sivíl ne’ebé maka asina akordu subvensaun ho gabinete apoiu sosiedade sivíl IX governu konstitusionál hamutuk 36 ba etapa da uluk
𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝐨𝐟𝐢𝐬𝐢𝐚́𝐥 𝙼𝗲́𝗱𝗶𝗮 𝐆𝐀𝐒𝐂
