Dili 15 setembru 2025: Segunda feira semana ne’e Organizasaun Sosiedade Sivíl ne’ebé maka sai hanesan parseiru ba GASC iha tinan 2025 hahú aprezenta sira nia atividade iha terenu ne’ebé maka hetan finansia husi Gabinete Apoiu Sosiedade Sivíl aprezentasaun ne’e hala’o iha Palásiu Governu.
Tuir Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten katak, importante tebes maka parseiru sira hatudu rezultadu ne’ebé maka hetan apoiu 50%.
“mais ba ami importante liu maka rezultadu ne’ebé imi atinji ona husi 50% no mós 50% tuir mai ne’e imi atu halo saida, no ida ne’ebé maka simu ona 100% ne’e tau hela informasaun dehan transferénsia 100% ona, ami ezekuta ida ne’e ba atividade sira no ninia obstákulu ami hasoru maka ida ne’e, para ami rejista kedas ona informasaun ne’e, hodi ami tau fali planu ba iha avaliasaun.”tenik Koordenadór GASC
Aleinde ne’e Eng. Joaquim da Costa Freitas hateten ba parseiru hotu hotu ida avaliasaun ne’e ne’e maka sei sai determinante.
“kuandu ami to’o iha imi-nia eskritóriu maka imi laiha labele fó sala ba ami sei tinan oin imi la tama iha kontinuasaun parseiru, ne’e la’ós ameasa tanba prosesu sira hanesan ne’e maka atu hatudu ita parseiru ka ita konfia malu ka lae” tenik koordenadór GASC 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
