Dili 16 setembru 2025: aprezentasaun atividade no ezekusaun orsamentu husi parseiru GASC nian ba loron rua tersa feira semana, parte loraik abertura husi Koordenadór GASC no kontinua modera husi Adjunta Koordenadóra ba aprezentasaun parseiru ida ida nia matéria implementasaun.
Liu husi introdusaun iha parte loraik Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten katak, parseiru sira nia prezensa ne’e parte GASC hakarak hare ninia rezultadu.
“parseiru sira nia prezensa ohin ne’e ami hakarak hetan informasaun, liga ba imi-nia implementasaun, agora informasaun sira ne’e maka orsida halo verifika iha kampu eziste duni ka lae, entaun sira ne’ebé hakiak karau, hakiak manu konservasaun sira ne’e ita sei hetan, mais imi sira halo edukasaun sívika ne’e dala ruma ita atu hasoru mós susar, ou imi buka mós susar, rezultadu sira ne’e maka fó ita hanesan implementadór hasoru dezafiu ida ne’e.”tenik Koordenadór GASC
Enkuantu Koordenadór GASC Eng. Joaquim da Costa Freitas afirma iha fulan outubru nia laran parseiru sira labele taka telefone, tanba ekipa sei ba halo avaliasaun.
“ami kontente imi ami sei fó hatene imi maka ami ba, ami la kontente imi ami mosu nonook de’it, no mosu maka odamatan taka ami hasai de’it fotografia mai sira laiha no organizasaun la eziste, ne’e adeus engrata, tanba ne’e eskritóriu tenke loke ema sira ne’ebé fó asisténsia ba ne’e tenke preparadu para ekipa tékniku sira hasoru malu ho sira, hodi dada lia ho sira no imi-nia proposta atu pasa ka la pasa iha tinan oin, sira benefisiáriu maka sei determina la’ós ami.”dehan Koordenadór GASC.
Koordenadór GASC Eng. Joaquim da Costa Freitas komenta iha IX governu komesa aposta ona ba kualidade no aposta ba rezultadu. . 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
