Baucau 14 novembru 2025: tersa feira foin lalais ne’e 11/11/25 Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hala’o lansamentu fatuk dahuluk ba konstrusaun Sentru Formasaun São João Paulo II iha Munisípiu Baucau vila antigu.
Enkuantu iha serimónia lansamentu ne’e Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas hateten katak, tenke agradese ba Primeiru Ministru IX governu konstitusionál ne’ebé ba ho hanoin di’ak hodi kontinua loke espasu ba partisipasaun entidade hotu iha dezenvolvimentu nasionál.
“atan ha’u hanesan individu ida ne’ebé maka fó responsabilidade projetu Dioseze Dili, Baucau no Maliana no mós CET rasik, tanba ida ne’e maka ohin ami nia prezensa mai iha fatin ida ne’e, tanba ita kontente tebes ba lansamentu ida ne’e, tanba aumenta lista progresu ida maibé sei iha lansamentu de’it, seidauk to’o iha nia rezultadu”. tenik koordenadór GASC
Iha fatin hanesan Bispu Dioseze Baucau Dom Leandro Maria Alves hateten, nia parte fó bénsaun ba konstrusaun ida ne’e hamutuk ho Koordenadór GASC hodi tau fatuk dahuluk ba konstrusaun edifísiu Centru Formsaun São João Paulo II.
Enkuantu partisipa iha serimónia lansamentu ne’e maka Clero, Relijioza, Autoridade munisípiu Baucau, Autoridade Lokal, PNTL, funsionáriu governu sentrál no dioseze Baucau. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
