Dili 10 novembru 2025: Centru Audivisual Max Sthal Timor-Leste (sigla CAMSTL) Segunda feira semana ne’e hala’o semináriu nasionál husi trajédia ba esperansa tinan 34 viajen nasaun nian ho tema “kanek tuan Espiritu Foun”
Enkuantu semináriu nasionál ne’e rasik abertura diretamente husi Koordenadór Gabinete Apoiu Sosiedade Sivíl(GASC sigla portugés) Eng. Joaquim da Costa Freitas ne’ebé maka hala’o iha salaun CNE.
Liu husi introdusaun Diretór Ezekutivu CAMSTL Eudicitio Pinto hateten katak, semináriu ida ne’e atu hanorin ba foin sa’e sira esperiénsia iha tempu pasadu kona ba Timor-Leste nia libertasaun.
“centru Audivisual max Sthal Timor-Leste sente onradu tebes realiza semináriu ho nia tema “kanek tuan Espiritu Foun” no tema ida ne’e konvida ita atu reflete ba natureza husi marka ida fitar.tenik Eudicitio Pinto
Maske nune’e Eudicitio Pinto aumenta nia parte agradese ba GASC ne’ebé maka apoiu ona fundus ba atividade CAMSTL nia hodi realiza semináriu nasionál ne’e,ba foin sa’e sira.
Iha fatin hanesan Koordenadór Gabinete Apoiu Sosiedade Sivil (GASC sigla portugés) Eng. Joaquim da Costa Freitas hateten katak, em prinsípiu centru Audivisual Max Sthal Timor-Leste rai hela dokumentus rezisténsia lubuk ida,ne’ebé maka dokumentus hirak ne’e partisipa ba luta rezisténsia Timor oan hotu nia, GASC iha obrigasaun atu finansia atu sentru ne’e kontinua eziste ho nia programa no atividade sira ne’ebá maka iha.
“ hanesan organizasaun estatutu CAMSTL klaru hela maibé agora sentru ida ne’e atu moris nia presiza rekursu finanseiru sei nia kontinua mantein hanesan instituisaun públiku ida ne’ebé maka totalmente depende ba governu di’ak tanba IX governu kontinua tau atensaun ba organizasaun hotu hotu ne’ebé maka ninia natureza ne’e sosiedade sivíl, ne’ebé ba GASC kontinua konsidera CAMSTL hanesan parte ida iha organizasaun sosiedade sivíl ne’ebé maka submete sira nia proposta anualmente” dehan koordenadór GASC
Enkuantu partisipa iha semináriu nasionál ne’e maka hanesan estudante sira husi eskola sekundáriu jerál, UNTL, IOB, DIT no seluk tan. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
