Natarbora 27 Juñu 𝟮𝟬𝟮5 tersa feira foin lalais ne’e 24/06/2025 ekipa GASC, lideradu husi xefe departamentu promosaun empoderamentu komunitáriu GASC, partisipa abertura lansamentu programa haforsa no habelar grupu komunidade iha hortikultura inovativu ne’ebé orgániku liu husi formasaun ne’ebé aplikavel,organiza husi organizasaun Fundação ETADeP.
reprezentante koordenadór GASC, Xefe departamentu promosaun empoderamentu komunitáriu GASC, Rogerio Soares iha nia intervensaun, hato’o parabéns ba Komunidade ka grupu benefisiáriu ho ONG ETADeP, ne’ebé sai parseiru dezenvolvimentu ba GASC iha tinan 2025.
aleinde ne’e Rogerio Soares aumenta nia parte husu mós ba autoridade postu no suku atu kontinua kontrola atividade hotu ne’ebé hetan apoiu husi GASC, tanba ne’e orsamentu jerál dó estudu no GASC kontinua nafatin fó apoiu ba inisiativa sira husi komunidade liu husi ONG sira.
Reprezentante husi Autoridade Postu Administrativu Natarbora reafirma nia parte hato’o agradese ba lideransa GASC ne’ebé fó ona apoiu ba NGO ETADeP hodi fó apoiu fila fali ba grupu benefisiáriu sira liuliu juventude no komunidade suku Umaboco.
“husu mós ba NGO ETADeP atu nafatin tulun no apoiu foin-sa’e sira iha área hortikultura, tanba la kleur tan iha Natarbora sei iha projetu boot, ema barak sei mai no sei buka modo hodi konsumu.”dehan nia.
Entretantu diretór ETADeP, husu ba partisipantes sira, hodi aproveita oportunidade sira ne’e ho di’ak, hodi hasa’e liu tan koñesimentu no abilidade sira ligadu ho área hortikultura no agradese mós ba lideransa GASC ba segundu oportunidade, komprimetidu sei ezekuta tuir planu atividade ne’ebé iha. 𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝐨𝐟𝐢𝐬𝐢𝐚́𝐥 𝙼𝗲́𝗱𝗶𝗮 𝐆𝐀𝐒𝐂
