Atauru 11 Agostu 2025 : kinta feira semana kotuk 7/8/2025 diretóra nasionál programasaun Suzety Herlayla Pereira M. Soares reprezenta GASC partisipa iha inaugurasaun Salão Memorial Multi Funsaun iha munisípiu Atauro Suku Biqueli Aldeia Ilienamu.
Enkuantu iha inaugurasaun Salão Memorial Multi Funsaun ne’e, prezidente autoridade munisípiu Atauro, hateten nia parte apresiasaun no agradese tanba apoiu GASC bele finaliza ona salaun refere, agradese tanba Salão Memorial Multi Funsaun ida ne’e komunidade ou sarani sira bele halo ona orasaun, kultu no hahi’i ba maromak iha fatin ida ne’e.
Aleinde iha fatin hanesan diretóra nasionál programasaun Suzety reprezenta koordenadór GASC iha intervensaun hateten nia parte apresia no agradese ba konvite ne’ebé konvida ona GASC hodi mai partisipa iha inaugurasaun ida ne’e, mezmu que apoiu fundus uitoan maibé konsege realiza duni ona Salão Memorial Multi Funsaun.
“espera komunidade ou sarani sira bele utiliza duni Salão Memorial Multi Funsaun ida ne’e ho di’ak bele mós utiliza ho kualkér atividade.” Tenik Suzety
diretóra Nasiaonal mós hateten nia parte hato’o ba komunidade ou Sarani sira katak gabinete apoiu sosiedade sivíl (GASC sigla portugés) nia odamatan loke nafatin ba Atauro oan sira ne’ebé iha inisiativa hakarak atu hato’o proposta. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
