DILI, 19 Novembru 2025 :Parlamentu Nasionál (PN) aprova $25,198,277 hosi Orsamentu Jerál Estadu (OJE) tinan fiskál 2026 bá Gabinete Apoiu Sosiedade Sivíl (GASS) ho votus a favór 42, abstensaun 22 no kontra 0 iha debate faze espesialidade loron da-limak parte lorokraik, kuarta (19/11/2025).
Orsamentu ne’e fahe bá kategoria Saláriu no Vensimentu $448,868, Bens no Servisu Korrentes $199,409 no Trensferénsia Públika $24,550,000. GASS iha programa rua, sub programa lima no atividade hamutuk 10.
Programa rua ne’e mak hanesan:
Programa 510: Funsionamentu no Dezenvolvimentu Institusionál
Programa 980: Inkluzaun Sosiál.
Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevante seluk.
Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.
(Média-GPM)
𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
