Díli, 09 Novembru 2026 – Iha Sesta semana kotuk, Coordenador Gabinete de Apoio à Sociedade Civil (GASC), Eng. Joaquim da Costa Freitas halo abertua ba atividade validasaun rezultadu diskusaun Meza Redonda ba definisaun no konseitu Sosiedade Sivíl tuir kontextu Timor-Leste nian.
Objetivu husi atividade ne’e maka:
Atu hadia no kompleta liután relatóriu rezultadu diskusaun meza redonda ba definisaun no konseitu sosiedade sivíl tuir kontextu Timor-Leste iha rejiaun tolu (3) inklui nasionál;
Atu rona perspektiva no rekomendasaun husi kamada Organizasaun Sosiedade Sivíl (OSS) sira hotu kona-ba definisaun no konseitu sosiedade sivíl tuir kontextu Timor-Leste;
Atu iha konsensu mútua ida husi OSS sira kona-ba definisaun no konseitu sosiedade sivíl tuir kontextu Timor-Leste nian; No atu garante kualidade ba relatóriu finál ne’e.
Atividade ne’e realiza iha Salaun Universidade Católica Timorense (UCT), Balide, Díli no marka prezensa másimu husi Prezidente CET, membru ONG FONGTIL husi Munisípiu 13 no RAEOA, Peritu no Peskizadór sira, Rede Setorál, Konfisaun Relijioza, Movimentu Sosiál no Akadémiku sira.





