DILI, 23 Setembru 2026 – Diretora Nasional Programasaun Gabinete de Apoio à Sociedade Civil (GASC), Sra. Suzety H. P. M. Soares, partisipa iha atividade Serimónia Graduasaun Kursu Lian Ingles ba Prizioneiru Foinsa’e 25 iha Prizaun Becora, ne’ebé organiza husi SHC Learn Center ho tema “Empodera Foinsa’e Prontu atu Servisu”.
Iha atividade serimónia graduasaun ne’e, Diretora Nasional Programasaun GASC hato’o parabéns ba graduadu prizioneiru foinsa’e sira ba sira-nia dedikasaun durante fulan tolu, hahú husi Juñu to’o Setembru 2026, hodi aprende Lian Ingles.
“Husu atu kontinua aprende barak no komunika ba malu ho Lian Ingles. Deseju ba ita-boot sira, maske iha prizaun laran maibé hetan oportunidade hodi tuir kursu Lian Ingles. Lian Ingles ne’e Lian Internasionál, ne’e importante tebes ba ita-boot sira ho idade ne’ebé foinsa’e,” hateten Diretora Suzety.
Alende ne’e, kursu ne’e bele hasa’e sira-nia abilidade iha Lian Ingles bainhira sira re-integra-an ba komunidade bele asesu ba merkadu traballu. Kuandu re-integra ona ba komunidade, evita atus sira ne’ebé la apoiu ita-boot sira-nia futuru naroman no koko atu hases-an. Aktividade ne’e hanesan parte husi apoiu IX Governu Konstitusionál liuhusi GASC ba programa reabilitasaun no reintegrasaun sosiál ba prizioneiru foinsa’e sira.
