DILI, 17 Setembru 2026 – Coordenador Gabinete de Apoio à Sociedade Civil (GASC), Eng. Joaquim da Costa Freitas, ofisialmente inaugura Kapela São José Operário Fatumaquerec iha loron 17 Setembru 2026.
Kapela ne’e konstrui husi inisiativa komunidade sarani lokál ho objetivu atu iha fatin apropriadu ida hodi hala’o atividade relijioza, orasaun no selebrasaun misa, nune’e mós hametin fiar, unidade no fraternidade entre membru komunidade sira.
Iha ninia diskursu, Coordenador GASC hato’o apresiasaun ba dedikasaun no kompromisu komunidade sarani Fatumaquerec, inklui Pároco no Responsável da Obra, ne’ebé servisu hamutuk hodi finaliza konstrusaun Kapela ne’e.
Nia mós apresia tanba inaugurasaun ne’e konsege halibur komunidade sarani hotu iha momentu importante ida ba sira-nia moris espirituál.”Husu ba komunidade sarani sira atu tau matan no kuidadu Kapela ne’e ho responsabilidade, atu bele funsiona no fó benefísiu ba tempu ne’ebé naruk,” hateten Coordenador GASC.
Serimónia inaugurasaun ne’e hetan partisipasaun husi Bispo Diocese de Baucau, Dom Leandro Maria Alves, Padre Pároco Laclubar, Diretor Nacional Missio Nacional, Autoridade Postu Administrativa (APA) Laclubar no Turiscai, Autoridade Lokál, Autoridade Seguransa, Klerus, Relijiozu/a no Sarani sira. Konstrusaun Kapela ne’e hahú iha tinan 2022 liuhusi kontribuisaun no servisu hamutuk husi komunidade sarani sira.
Projetu ne’e hetan mós apoiu kontribuisaun husi parte oioin, inklui apoiu ba finalizasaun husi IX Governu Constitusionál liuhusi Gabinete de Apoio à Sociedade Civil (GASC)
