Iha loron 14 Maiu 2026, Coordenador Gabinete de Apoio à Sociedade Civil (GASC), Eng. Joaquim da Costa Freitas, ofisialmente inaugura Igreja Nossa Senhora de Fátima iha Suku Fatulia, ne’ebé konstrui husi inisiativa komunidade sarani lokál ho objetivu atu hadi’a fatin ba uma-orasaun no hametin unidade espirituál komunidade nian.
Iha nia diskursu, Coordenador GASC apresia ho entuziasmu no dedikasaun sarani Fatulia nian hodi finaliza konstrusaun igreja ne’e no halibur sarani hotu iha selebrasaun inaugurasaun ne’e. Nia mos husu ba komunidade atu kontinua organiza-an no koopera malu hodi tau matan nafatin ba Igreja foun ne’e, atu bele asegura nia funsionamentu no manutensaun ba tempu naruk.
Serimónia inaugurasaun ne’e hetan partisipasaun husi Bispo Diocese de Baucau, Dom Leandro Maria Alves, Prezidenti Autoridade Munisipiu (PAM) Baucau, Autoridade Administrativa Munisipál, Autoridade Lokál, Autoridade Seguransa, kleru, Relijiozu/a no Sarani sira.
Konstrusaun igreja ne’e hahú desde tinan 2021 ho kontribuisaun no servisu hamutuk husi sarani no ema laran di’ak sira (doadores), hafoin hetan apoiu husi IX Governu Konstitusionál liuhusi Gabinete de Apoio à Sociedade Civil (GASC) iha tinan 2025.
Atmosfera serimónia la’o ho haksolok no espiritu fraternidade entre komunidade tomak
