Dili 03 july 2025: kinta feira semana ne’e Konfensoens Relijiozu 4 ho Organizasaun Sosiedade Sivíl 2 kontinua asina akordu subvensaun publika ho GASC iha palásiu governu.
Tuir Reprezentante Amu Parókia Makulada Kurasaun de Maria Fohorem Pe. Belarmino da Costa Oliveira CMF hateten katak, dezenvolvimentu natoon ne’ebé maka governu liu husi GASC halo parte igreja sente furak tebes.
“liuliu ko’alia husi parte igreja nia ne’ebé ami sente no hare ona tanba ne’e ami sempre lori nafatin ami nia tempu ho orasaun atu akompaña Koordenadór ho ninia ekipa atu saúde di’ak nafatin no forte nafatin iha fiar ne’ebé maka serví maromak nia povu sira liu husi knaar sira ne’ebé maka GASC hala’o.
“tenik Pe. Belarmino da Costa Oliveira CM, dala barak nia parte ko’alia ho sarani no povu sira atu labele husu beibeik ba governu maibé husu ba ita an rasik saida maka halo ona ba nasaun, tanba ne’e liu husi programa Gabinete Apoiu Sosiedade Sivíl nia ne’e apoiu tebes ba dezenvolvimentu nasaun nian.
Iha fatin hanesan Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas aumenta katak, tinan ida ne’e GASC halo mudansa ba iha apoiu orsamentu ne’e 30% maka hela iha kustu administrasaun 70% maka tenke tun ba iha komunidade.
“prosesu abertura sira ne’ebé maka iha presiza funsionáriu GASC nia prezensa, tanba ne’e tékniku sira sei akompaña imi iha ezekusaun, kuandu ezekuta di’ak rezultadu ita hetan kontinua sai parseiru iha tinan oin, kuandu ezekuta ladi’ak tinan oin ita hapara, tanba ita la debe malu kuandu la aprova proposta ne’e la’ós krime.”
Tenik koordenadór GASC. 𝐑𝐄𝐌𝐀𝐓𝐀.
Informasaun Ofisiál No Atuál Husi Média GASC
