Dili 07 jullu 2025 : sesta feira semana kotuk 04/07/2025 Sentru Formasaun Canossiano ne’ebé maka hetan apoiu fundus husi Gabinete Apoiu Sosiedade Sivíl hetan ona inaugurasaun husi Koordenadór GASC nune’e bele uza ona ba formasaun ba jerasaun foun sira.
Liu husi diskursu Pe. Clemente Moreira, FdCC hanesan superiór komunidade semináriu Hera no konselleiru jerál Canossiano mundu hateten katak, halibur hamutuk iha ne’e la’ós de’it atu inaugura edifísiu ida maibé atu selebra vizaun ida ne’ebé lori ba moris vizaun ida esperansa nia, reliziensia nian, no kompromisu ba dezenvolvimentu integral foin sa’e sira nian.
“Pe. Modesto Centro treinamentu Canossiano hamriik iha ita-nia oin nu’udar testamentu ida kona ba saida maka bele hetan fiar, kolaborasaun, no perseveransa la’o hamutuk, dezde nia inísiu iha loron 15 fulan outubru tinan 2024, projetu ida ne’e lori ho nia espetativa aas no promesa servisu nia, maibé hanesan empreendementu barak ne’ebé di’ak”. Dehan Pe. Clemente Moreira, FdCC
Aleinde Pe. Clemente Moreira, FdCC aumenta nia parte hato’o obrigadu barak ba Koordenadór GASC ho nia ekipa tomak hodi apoiu sentru ida ne’e .
Iha fatin Koordenadór Gabinete Apoiu Sosiedade Sivíl (GASC sigla portugés) Eng Joaquim da Costa Freitas hateten katak, ekipa GASC kontente tanba imi hakat liu dezafiu ne’e hodi to mai iha inaugurasaun obra ida ne’e.
“espera katak sentru formasaun ida ne’e sei nakloke ba komunidade no joven sira iha Hera, maibé hanesan timor oan tenke hare ba rekursu umanu, administrasaun, no di’ak liu hare Timor laran tomak Tenik Koordenador GASC.”
Tenik koordenadór GASC. 𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝐨𝐟𝐢𝐬𝐢𝐚́𝐥 𝙼𝗲́𝗱𝗶𝗮 𝐆𝐀𝐒𝐂
