Atauru 07 jullu 2025 : kuarta feira semana kotuk 02/07/2025 ekipa Gabinete Apoiu Sosiedade Sivíl (GASC sigla portugés) partisipa atividade Movimentu Feto Foinase -Timor-Leste(MOFFE-TL) nia iha Suku Beloi Munisipiu Atauro.
Enkuantu atividade Formasaun ne’ebé maka MOFFE-TL hala’o ne’e foka liu ba ba Jestaun Negósiu, Jestaun Finanseiru no Jestaun Grupu Ba Juventude Feto iha Suku Beloi no Biqueli, durante loron Tolu ho partisipante husi Suku rua hamutuk ema na’in 30 no fahe ba grupu haat mak hetan Subsidiu hodi hala’o atividade negósiu nian.
Aleinde iha atividade negósiu nian sei hetan akompañamentu husi ekipa MOFFE-TL to’o remata.
Liu husi intervensaun badak Reprezentante GASC Nori Maria Soares Hateten katak, nia parte husu ba feto maluk sira ne’ebé tuir ona formasaun kona ba Jestaun Negósiu, Jestaun Finanseiru no Jestaun Grupu ba Juventude Feto iha Suku Beloi no Biqueli durante loron Tolu ne’e másimu ona hodi Aplika iha Negosio ki’ik sira.
“ liu husi Grupu ne’ebé MOFFE-TL harii ona no buka haka’as an atu hala’o atividade sira tuir nia tempu ne’ebé termina ona iha kontratu, husu mós ba autoridade lokál suku rua atu tau matan ba Grupu Feto sira ne’ebé estabelese ona iha Sira nia suku tanba Ormanetu ne’ebé fó ba Grupu Feto Sira ne’e mai Ormasmetu Geral Estadu nian.” Dehan Nori Maria Soares
Iha fatin hanesan xefe suku Beloi ho Biqueli agradese ba GASC ne’ebé servisu parseria ho MOFFE-TL hodi halo atividade formasaun kona ba Jestaun Negósiu, Jestaun Finanseiru no Jestaun Grupu Ba Juventude Feto iha Suku Beloi no Biqueli nian, tanba sira mós husu xefe Grupu sira atu kolabora ho autoridade lokál sira hodi hala’o atividade negósiu nian presiza iha transparénsia akontabilidade iha implementasaun atividade sira Grupu nian.
Iha formasaun ne’e entrega mós subsídiu no ekipamentu inklui asina akta entre Reponsavel Grupu autoridade lokál, Diretora Interina MOFFE-TL no Representante GASC.
𝐑𝐄𝐌𝐀𝐓𝐀.
Informasaun Ofisiál No Atuál Husi Média GASC
