Koordenadór GASC Partisipa Tinan 40 Ezisténsia Eskola Sekundária Santo Antonio Baucau.

Baucau 07 jullu 2025 : sábadu semana kotuk Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas partisipa iha aniversáriu eskola sekundária santu Antonio Baucau ba dala 40 no iha aniversáriu ne’e Koordenadór GASC mós asina plaka inaugurasaun ba laboratóriu Ciencia Teknologia ESSA nian.
Enkuantu lema ba aniversáriu ne’e maka Relebrar, Agradese e Continuar(ESSA ha’u nia, ita-nia, Baucau nia no Timor Nia.)
Enkuantu iha inaugurasaun ne’e Diretór Eskola Sekundária Santo Antonio Baucau Rev. Amu Aderito M. E. Victor da Costa, Agradese ba Gabinete Apoiu A Sociedade Sivíl (GASC sigla portugés),Dioseze Baucau liu husi Episcopal Assuntu Social no Edukasaun, no Kompanha Unipazro Unipesoal Lda, ne’ebé Tulun tebes Eskola ida ne’e, no ohin halo inaugurasaun ba Laboratorium Ciencia Teknologia iha Eskola ESSA Baucau.
Vigario episcopal asuntu Sosiál no Edukasaun Pe. Evaristo reprezenta Bispo Dioseze Baucau, Hato’o parabéns ba ESSA Baucau ne’ebé mak mak halo aniversáriu ba dala 40. Relembra situasaun uluk polítika la di’ak maibé Amu salezianu sira esforsu an tebetebes hodi forma Timoroan sira no prepara sira nia futuru.
“Agradese ba Gabinete Apoiu Sosiedade Sivíl ne’ebé ho esforsu an tebes husi Sr. Eng Joaquim da C. Freitas hanesan governu nia liman ain,maske okupadu iha governu nia laran, maibé fó tempu ba uma kreda nia moris no hare mós edukasaun no bele ajuda ita liu husi Diozese.” Tenik Pe. Evaresto
Entretantu Koordenadór Gabinete Apoiu Sosiedade Sivíl Eng. Joaquim da Costa Freitas hateten,nia parte agradese ba Primeiru Ministru IX Governu Konstitusionál nian, tanba nia mai husi seminarista no kontinua konsidera CET, Dioseze no Congregasaun sira seluk sai nafatin parseria di’ak ba governu iha prosesu harii Nasaun no harii Estado, Laran di’ak ida ne’e mai kedas husi IV governu konstitusionál to’o iha IX governu Konstitusional.
“ jere Gabinete Apoiu Sosiedade Sivíl ne’e mós iha nia di’ak tanba bele hare rezultadu sira ne’ebé maka ita atinji, ita bele hare ho matan, no bele sente ho mudansa ne’ebé mak iha.” tenik Koordenadór GASC
Prezidente Autoridade Munisípiu Baucau Veneranda Lemos aumenta nu’udar alumni husi Dom Bosco hato’o parabéns ba ESSA ne’ebé selebra aniversáriu ba dala 40 no agradeses ba fundadór sira í agradese mós ba kontinuador sira.
“Amu sira karik presiza ami bele kontaktu ami hodi bele ajuda iha parte aprovizionamentu, atu nune’e prosesu sira ne’e la’o ho transparénsia ba malu tanba ita ezekuta orsamentu dó estadu. dehan Prezidente Autoridade Munisípiu Baucau
Partisipa iha serimónia aniversáriu ESSA no inaugurasaun laboratóriu Ciencia Teknologia maka hanesan Prezidente Autoridade Munisípiu Baucau, Amu Vigario Episcopal Assuntu sosiál no Edukasaun, Diretór Edukasaun Munisípiu Baucau, Komandante Jerál Munisípiu Baucau, Komandante Terestre F-FDTL Lanud, Diretór Eskola Dahuluk, Diretór Sesante sira, no Autoridade lokál Sira iha Munisipiu Baucau. 𝐑𝐄𝐌𝐀𝐓𝐀.
Informasaun Ofisiál No Atuál Husi Média GASC