Formasaun ortikultura no entrega hand tratór ba komunidade iha Munisípiu Aileu.

Aileu 01 agostu 2025 : kuarta feira semana ne’e ne’e 30/07/25 Adjunta Koordenadóra Gabinete Apoiu Sosiedade Sivíl (GASC sigla portugés) abertura formasaun ortikultura no entrega mákina hand tratór ida no materiál agríkola ba komunidade iha munisípiu Aileu.
Enkuantu atividade ne’e hala’o tanba NGO ACCVLLN hetan apoiu fundus husi GASC hodi hala’o ninia atividade ba grupu tarjeitu sira iha fatin refere.
Liu husi abertura ba atividade formasaun no entrega materiál ne’e Adjunta Koordenadóra GASC Yasinta Lujina C. das Regras hateten nia parte agradese ba ONG ACVLLN, ne’ebé identifika komunidade Aldeia Lekilaukana, Suku Fatubosa Postu Adminidtivu Aileu Vila, Munisípiu Aileu, sai prioridade hodi hetan apoiu husi Governu Timor-Leste liu husi GASC iha tinan ida ne’e. nune’e mós fó parabéns komunidade no grupu benefisiáriu sira ne’ebé sai benefisiáriu ba iha tinan 2025.
“Ita hotu hatene katak governu nia kbiit no forsa la to’o ba iha fatin hotu-hotu, maibé organizasaun ne’ebé servisu hamutuk ho komunidade bele lori no tranzmite programa governu nian no lori aspirasaun komunidade nian ba iha governu, nune’e governu bele tulun no apoiu ba problema ne’ebé komunidade hasoru, tanba organizasaun Sosiedade Sivil hanesan parseiru dezenvolvimentu estadu nian oinsá identifika no aprezenta problema sosiál ne’ebé populasaun enfrenta hodi hato’o ba iha governu.” Tenik adjunta koordenadóra GASC
Iha fatin hanesan Vise prezidente, ACVLLN Munisípiu Aileu, hateten nia parte agradese ba IX governu Konstituisional, liu husi gabinete apoiu sosiedade sivíl (GASC sigla portugés) , ne’ebé tulun no apoiu ona materiál Makina Hand Tractor no materiál seluk ortikultura nian ba komunidade Aldeia Lekilaukana, Suku Fatubosa Postu Adminidtivu Aileu Vila, Munisípiu Aileu.
“husu grupu Benefisiariu sira atu kuidadu materiál sira ne’ebé governu apoiu ona nune’e bele utiliza ba tempu naruk.” Tenik nia 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂