Koordenadór GASC halo Lansamentu Fatuk Dahuluk ba Konstrusaun Kapela São João Batista Malimia, Atsabe Atara.

Atsabe-Malimia 23 Agostu 2025: foin lalais ne’e Koordenadór Gabinete Apoiu Sosiedade Sivíl halo ona lansamentu fatuk dahuluk ba konstrusaun kapela São João Batista, Atsabe Atara ne’ebé akompaña ho amu parókia no sarani sira.
tuir prezidente komisaun organizadóra ba konstrusaun kapela Sao João Batista Malimia, Manuel De Oliveira hatete, komunidade halo kontribuisaun halo tia fatin ida ne’e hodi salva tia estátua São João Baptista.
“hetan apoiu orsamentu husi Gabinete Apoiu Sosiedade Sivil ho montante, $17.375 Míl ba Konstrusaun kapela Komunidade Malimia”.tenik Manuel de Oliveira
Nia aumenta Komisaun Organizadora husu nafatin ba Komunidade nafatin kontribui ba kapela ida ne’e bele hetan nia finalizasaun, maske ho osan ne’ebé ki’ik
Iha fatin hanesan Koordenadór Gabinete Apoiu Sosiedade Sivil (GASC sigla portugés) Eng. Joaquim da Costa Freitas hateten, nia parte apresia ba inisiativa sarani sira nia hodi hahú konstrusaun kapela, ho apoiu husi Gabinete Apoiu Sosiedade Sivíl nian ne’e atu finaliza kapela ne’e tanba ne’e presiza sarani sira nia kontribuisaun ba obra ne’e ho servisu komunitária.
enkuantu iha lansamentu ne’e partisipasaun másimu husi komunidade kompostu husi uma lisan sira iha komunidade Malimia, autoridade lokál lider partidu polítiku, emprezariu, Koordenadór GASC, Camara Comerçoo Indústria Timor-Leste (CCITL) no mós parte igreja nia. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂